ಖೋಟಾ ನೋಟು ಜಾಲ ಪತ್ತೆ: ಇಬ್ಬರ ಬಂಧನ

ಪರಶುರಾಮ ಕುಶಪ್ಪ ನಾಯಿಕ ಅಲಿಯಾಸ್ ಗಸ್ತಿ ಹಾಗೂ ಜಲಾಲ ಅಲಾವುದ್ದೀನ್ ದರೂರವಾಲೆ ಬಂಧಿತರು. ಅವರು ಕುಡಚಿಯಿಂದ ಹಾರೊಗೇರಿ ಕಡೆಗೆ ದ್ವಿಚಕ್ರವಾಹನದಲ್ಲಿ ಸಾಗಿಸುವಾಗ ಅವರನ್ನು ಪೊಲೀಸರು ಬಂಧಿಸಿದ್ದಾರೆ.

‘ಅವರ ಬಳಿ ₹ 500 ಮುಖಬೆಲೆಯ 155, ₹ 100 ಮುಖಬೆಲೆಯ 210, ₹ 500 ಮುಖಬೆಲೆಯ 237 (ಏಕಮುಖ) ಮತ್ತು ₹ 200 ಮುಖಬೆಲೆಯ 80 ಕೋಟಾ ನೋಟುಗಳಿದ್ದವು. ಆರೋಪಿಗಳನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದೆ. ಪ್ರಮುಖ ಆರೋಪಿಯ ಕುಡಚಿಯ ಫಾರೂಕ್‌ ರಫೀಕ್‌ ಫೀರಜಾದೆ ಪರಾರಿಯಾಗಿದ್ದಾನೆ. ಕುಡಚಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ’ ಎಂದು ಎಸ್ಪಿ ಲಕ್ಷ್ಮಣ ನಿಂಬರಗಿ ತಿಳಿಸಿದ್ದಾರೆ.

ಡಿಸಿಐಬಿ ಇನ್‌ಸ್ಪೆಕ್ಟರ್‌ ನಿಂಗನಗೌಡ ಎ. ‍ಪಾಟೀಲ, ಪಿಎಸ್‌ಐ ಆರ್‌.ವಿ. ಪಟ್ಟಣಶೆಟ್ಟಿ ಹಾಗೂ ಸಿಬ್ಬಂದಿ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದರು.