‘ರಾಜಕೀಯ ಸೇಡಿಗಾಗಿ ವರ್ಗಾವಣೆ’

ಜಿಯಾವುಲ್ಲಾ ವರ್ಗಾವಣೆ ಬಗ್ಗೆ ಕೆಲವು ದಿನಗಳಿಂದಲೂ ವದಂತಿಗಳು ಹರಿದಾಡಿದ್ದವು.

ಈ ಅಧಿಕಾರಿ ವರ್ಗಾವಣೆ ಮಾಡಬಾರದು ಎಂದು ಆಗ್ರಹಿಸಿ ರೈತ ಸಂಘ ಹಾಗೂ ಹಸಿರುಸೇನೆ ಕಾರ್ಯಕರ್ತರು ಬುಧವಾರ ಪ್ರತಿಭಟನೆ ನಡೆಸಿ ಪ್ರಾದೇಶಿಕ ಆಯುಕ್ತ ಪಿ.ಎ. ಮೇಘಣ್ಣವರ ಅವರಿಗೆ ಮನವಿ ಸಲ್ಲಿಸಿದ್ದರು.

‘ಪೌರಾಡಳಿತ ಸಚಿವ ರಮೇಶ ಜಾರಕಿಹೊಳಿ ಮಾಲೀಕತ್ವದ ಸೌಭಾಗ್ಯಲಕ್ಷ್ಮಿ ಸಕ್ಕರೆ ಕಾರ್ಖಾನೆಗೆ ಕಬ್ಬು ಪೂರೈಸಿದ್ದ ರೈತರಿಗೆ ಬರಬೇಕಾದ ಬಾಕಿ ಕೊಡಿಸಲು ಕಟ್ಟುನಿಟ್ಟಿನ ಕ್ರಮ ಕೈಗೊಂಡಿದ್ದ ಡಿಸಿಯನ್ನು ರಾಜಕೀಯ ಸೇಡಿಗಾಗಿ ವರ್ಗಾವಣೆ ಮಾಡಲಾಗುತ್ತಿದೆ’ ಎಂದು ಆರೋಪಿಸಿದ್ದರು.

‘ಹಲವು ಕಾರ್ಖಾನೆಗಳಿಂದ ಬಹಳಷ್ಟು ಬಾಕಿ ಕೊಡಿಸಲು ಅವರು ಕ್ರಮ ವಹಿಸಿದ್ದರು. ಆಡಳಿತ ಮಂಡಗಳಿಗಳ ಪ್ರತಿನಿಧಿಗಳ ಸಭೆ ನಡೆಸಿ, ಬಾಕಿ ಕೊಡದಿದ್ದಲ್ಲಿ ಸಕ್ಕರೆ ಜಪ್ತಿಗೆ ಶಿಫಾರಸು ಮಾಡಲಾಗುವುದು ಎಂದು ಎಚ್ಚರಿಕೆ ನೀಡಿದ್ದರು. ಅವರ ವರ್ಗಾವಣೆ ಹಿಂದೆ ಸಕ್ಕರೆ ಕಾರ್ಖಾನೆಗಳ ಲಾಬಿ ಕೆಲಸ ಮಾಡಿದೆ’ ಎಂದು ದೂರಿದ್ದರು. ‘ರೈತರ ಪರ ಕೆಲಸ ಮಾಡುತ್ತಿರುವ ಅಧಿಕಾರಿಗಳಿಗೆ ತೊಂದರೆ ಕೊಡಬಾರದು’ ಎಂದು ಒತ್ತಾಯಿಸಿದ್ದರು.

ರಾತ್ರಿ ವೇಳೆಗೆ ವರ್ಗಾವಣೆ ಆದೇಶ ಹೊರಬಿದ್ದಿದೆ.