ಮೂಡಲಗಿಯ ಕೆಲವು ಕೃಷಿ ಹಿನ್ನೆಲೆಯ ಕುಟುಂಬಗಳು ಗೋವು ಪೂಜೆಯ ಆಚರಣೆ ನಡೆಸಿಕೊಂಡು ಬರುತ್ತಿವೆ. ದೈವ ಸ್ವರೂಪಿಯಾಗಿರುವ ಗೋವು ರೈತರ ಜೀವನಾಡಿಯಾಗಿದೆ. ದೀಪಾವಳಿಯ 3ನೇ ದಿನ ‘ಬಲಿಪಾಡ್ಯಮಿ’ಯಂದು ಮತ್ತು ಕೆಲವು ಕಡೆಯಲ್ಲಿ ‘ನೀರು ತುಂಬುವ ಹಬ್ಬದ’ ಮುನ್ನಾ ದಿನ ಗೋವುಗಳ ಪೂಜೆ ನೆರವೇರಿಸುತ್ತಾರೆ. ಗೋವು ಪೂಜೆಯೊಂದಿಗೆ ದೀಪಾವಳಿ ಹಬ್ಬವನ್ನು ಪ್ರಾರಂಭಿಸುವ ವಾಡಿಕೆಯೂ ಇದೆ. ಗೋವು ಮತ್ತು ಅದರ ಕರುವನ್ನು ಶುಚಿಗೊಳಿಸಿ ಹೂವು– ಹಾರಗಳಿಂದ ಸಿಂಗರಿಸಿ ಪೂಜೆ ಸಲ್ಲಿಸುತ್ತಾರೆ.