ತಾಜಾ ತರಕಾರಿಗೆ ಹೆಚ್ಚಿದ ಬೇಡಿಕೆ

7
ರಾಮದುರ್ಗದಿಂದ ಹೊರ ರಾಜ್ಯಗಳಿಗೂ ರವಾನೆ

ತಾಜಾ ತರಕಾರಿಗೆ ಹೆಚ್ಚಿದ ಬೇಡಿಕೆ

Published:
Updated:
Deccan Herald

ರಾಮದುರ್ಗ: ಪ್ರತಿ ಕ್ಷೇತ್ರಗಳೂ ತಮ್ಮದೇ ಆದ ವೈಶಿಷ್ಟಗಳಿಂದ ಗುರುತಿಸಿಕೊಳ್ಳುತ್ತವೆ. ಅಂತೆಯೇ ಐತಿಹಾಸಿಕ ಹಿನ್ನೆಲೆ ಹೊಂದಿರುವ ಪಟ್ಟಣ ತರಕಾರಿ ಬೆಳೆಯಿಂದಾಗಿ ಖ್ಯಾತಿ ಗಳಿಸಿದೆ. ತಾಲ್ಲೂಕಿನ ತಾಜಾ ತರಕಾರಿ ದೂರದ ಪಟ್ಟಣಗಳು, ಹೊರ ರಾಜ್ಯಕ್ಕೂ ರವಾನೆಯಾಗುತ್ತಿದೆ.

ಸುತ್ತಮುತ್ತಲಿನ ಹಳ್ಳಿಗಳು, ತಾಲ್ಲೂಕುಗಳು, ಜಿಲ್ಲೆಗಳಿಗೂ ತಾಲ್ಲೂಕಿನಲ್ಲಿ ಬೆಳೆದ ತರಕಾರಿ ಕಳುಹಿಸಲಾಗುತ್ತದೆ. ಹೊರ ರಾಜ್ಯಗಳಲ್ಲೂ ರಾಮದುರ್ಗ ತಾಲ್ಲೂಕಿನಲ್ಲಿ ಬೆಳೆದ ತರಕಾರಿಗಳಿಗೆ ಭಾರಿ ಬೇಡಿಕೆ ಇದೆ.

ಇದಕ್ಕೆ ಮುಖ್ಯ ಕಾರಣ ಇಲ್ಲಿನ ಮಣ್ಣು. ಕಪ್ಪು ಮಣ್ಣು ತರಕಾರಿ ಬೆಳೆಗಳಿಗೆ ಸೂಕ್ತವಾಗಿದೆ. ರಾಮದುರ್ಗ ತಾಲ್ಲೂಕಿನ ಭಾಗಶಃ ಜಮೀನುಗಳು ಕಪ್ಪು ಮಣ್ಣಿನಿಂದ ಕೂಡಿದೆ. ಹೀಗಾಗಿ ಇಲ್ಲಿ ಬೆಳೆಯುವ ತರಕಾರಿಗಳು ಹೆಚ್ಚು ಬೇಡಿಕೆ ಗಳಿಸುತ್ತಿವೆ. ತಾಜಾ ತರಕಾರಿಗಳು ಕೈಗೆಟುಕುವ ಬೆಲೆಗೆ ದೊರೆಯುತ್ತವೆ. ಹೀಗಾಗಿ ಕಡಿಮೆ ಬೆಲೆಯಲ್ಲಿ ಉತ್ತಮ ಗುಣಮಟ್ಟದ ತರಕಾರಿಗಳು ಲಭ್ಯವಾಗುತ್ತವೆ. ಇದರಿಂದ ಬೇಡಿಕೆ ಜಾಸ್ತಿ ಆಗಲು ಕಾರಣ ಎನ್ನಲಾಗುತ್ತದೆ.

ಸಂತೆಯಲ್ಲಿ: ವಾರದಲ್ಲಿ ಎರಡು ದಿನ (ಗುರುವಾರ ಮತ್ತು ಭಾನುವಾರ) ಪಟ್ಟಣದಲ್ಲಿ ಸಂತೆ ಇರುತ್ತದೆ. ಅಂದಿನ ವ್ಯಾಪಾರವೂ ಜೋರಾಗಿರುತ್ತದೆ. ಅದರಂತೆ ವಾರದ ಏಳೂ ದಿನಗಳ ಸಂಜೆ ಹೊತ್ತಿಗೆ ತಾಜಾ ತರಕಾರಿ ಮಾರುಕಟ್ಟೆಯಲ್ಲಿ ಲಭ್ಯವಾಗುತ್ತದೆ.

ಟೊಮೆಟೊ, ಸೌತೆ, ಬದನೆ, ಆಲೂಗಡ್ಡೆ, ಕೊತ್ತಂಬರಿ, ಮೆಣಸಿನಕಾಯಿ, ಮೂಲಂಗಿ ಸೇರಿದಂತೆ ವಿವಿಧ ತರದ ತರಕಾರಿಗಳನ್ನು ನದಿ ಪಕ್ಕದ ಅಲ್ಪ ಮ್ರಮಾಣದ ಜಮೀನಿನಲ್ಲಿ ಬೆಳೆದು ಜೀವನ ಕಟ್ಟಿಕೊಂಡಿರುವ ರೈತರೇ ಜಾಸ್ತಿ ಇದ್ದಾರೆ.

ನೌಕರಿ ಮುಗಿಸಿ ಮನೆಗೆ ಹೋಗುವವರು ಪ್ರತಿ ದಿನ ಸಂಜೆ 4ರಿಂದಲೇ ಲಭ್ಯವಾಗುವ ತರಕಾರಿಯನ್ನು ತೆಗೆದುಕೊಂಡು ಹೋಗುತ್ತಾರೆ. ರೈತರು ಸಹ ನೌಕರರಿಗಾಗಿ ಕಡಿಮೆ ದರದಲ್ಲಿಯೇ ತಾಜಾ ತರಕಾರಿ ನೀಡಲು ಮುಂದಾಗುತ್ತಾರೆ.

ಇಲ್ಲಿನ ದಲ್ಲಾಳಿಗಳು ರೈತರಿಂದ ಖರೀದಿಸುವ ಬಾಳೆ ತರಕಾರಿಯನ್ನು ಇಲ್ಲಿನ ಚಿಲ್ಲರೆ ವಹಿವಾಟುದಾರರಿಗೆ ವಿಕ್ರಿ ಮಾಡುತ್ತಾರೆ. ಅದು ತಾಲ್ಲೂಕು ಮತ್ತು ಪಟ್ಟಣ ಪ್ರದೇಶದ ಗ್ರಾಹಕರ ಕೈಗೆ ಲಭಿಸುತ್ತದೆ. ಆದರೆ ಜಿಲ್ಲೆಯ ಬೇರೆ ಕಡೆಯಿಂದ ಬರುವ ದಲ್ಲಾಳಿಗಳು ರೈತರಿಂದ ನೇರವಾಗಿ ಖರೀದಿಸಿ ರಾಜ್ಯದ ಹೊರಗೂ ರವಾನೆ ಮಾಡುವುದು ಕಂಡುಬರುತ್ತದೆ. ಬೇರೆ ಉರುಗಳಿಂದ ಇಲ್ಲಿಗೆ ಬರುವವರು ತರಕಾರಿ ತೆಗೆದುಕೊಂಡು  ಹೋಗುವುದನ್ನು ಮರೆಯುವುದಿಲ್ಲ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !