ಅದ್ಧೂರಿ ರಾಜ್ಯೋತ್ಸವಕ್ಕೆ ಬೆಂಬಲ ಟ್ರೆಂಡ್ ಆಯಿತು #ನಮ್ಮ_ರಾಜ್ಯೋತ್ಸವ_ನಮ್ಮ_ಹಬ್ಬ

ಗಡಿನಾಡಿನಲ್ಲಿ ನಡೆಯುವ ರಾಜ್ಯೋತ್ಸವ ಅದ್ಧೂರಿಯಾಗಿರಬೇಕು ಎಂದು ಬಯಸಿ ಹಲವರು ಬೆಂಬಲ ನೀಡಿದ್ದಾರೆ. ಇದರಿಂದಾಗಿ, ಅಭಿಯಾನ ಸದ್ದು ಮಾಡಿದ್ದು, ಮಂಗಳವಾರ ರಾಷ್ಟ್ರಮಟ್ಟದಲ್ಲಿ ಟ್ರೆಂಡಿಂಗ್‌ನಲ್ಲಿ ಟಾಪ್ 5ರಲ್ಲಿತ್ತು. ಕರ್ನಾಟಕದಲ್ಲಿ ಸತತ 2 ಗಂಟೆವರೆಗೆ ಟಾಪ್ 1 ಸ್ಥಾನ ಪಡೆದುಕೊಂಡಿತ್ತು. ಸಾವಿರಾರು ಟ್ವೀಟ್‌ಗಳು ಬಂದಿವೆ. ಕನ್ನಡ ಅಭಿಮಾನಿಗಳು ಹಾಗೂ ನೆಟ್ಟಿಗರು ಸರ್ಕಾರಕ್ಕೆ ಈ ಮೂಲಕ ಎಚ್ಚರಿಕೆಯ ಸಂದೇಶ ರವಾನಿಸಿದ್ದಾರೆ. ಮೆರವಣಿಗೆಗೆ ಅವಕಾಶ ಕೊಡುವಂತೆ ಆಗ್ರಹ ಮಂಡಿಸಿದ್ದಾರೆ.

ಬೆಳಗಾವಿ ಪುಟ, ಬೆಳಗಾವಿ ರಾಯಣ್ಣ, ಮಾರ್ವೆಲಸ್ ಬೆಳಗಾವಿ ಹಾಗೂ ಕನ್ನಡಪರ ಸಂಘಟನೆಗಳು ಉತ್ಸಾಹದಿಂದ ಈ ಅಭಿಯಾನದಲ್ಲಿ ಪಾಲ್ಗೊಂಡಿದ್ದವು.