ಹೋಬಳಿ ಕೇಂದ್ರವಾದ ಕೌಜಲಗಿ ಮತ್ತು ಸುತ್ತಮುತ್ತಲಿನ ಕುಲಗೋಡ, ಪಿ.ವೈ. ಹುಣಶ್ಯಾಳ, ಢವಳೇಶ್ವರ, ಹೊನಕುಪ್ಪಿ, ಬಿಲಕುಂದಿ, ಗೋಸಬಾಳ, ಕಳ್ಳಿಗುದ್ದಿ ಮಣ್ಣಿಕೇರಿ, ರಡ್ಡೇರಟ್ಟಿ ಮೊದಲಾದ ಕಡೆಗಳ ಬಡ, ಮಧ್ಯಮ ವರ್ಗದ, ಅಲ್ಪಸಂಖ್ಯಾತ, ಹಿಂದುಳಿದ, ಪರಿಶಿಷ್ಟ ವಿದ್ಯಾರ್ಥಿಗಳಿಗೆ ಅನುಕೂಲ ಆಗಲೆಂದು 2002ರಲ್ಲಿ ಇಲ್ಲಿ ಸರ್ಕಾರಿ ಪಿಯು ಕಾಲೇಜು ಆರಂಭಿಸಲಾಗಿದೆ. ಈ ಸ್ವತಂತ್ರ ಪಿಯು ಕಾಲೇಜು ಈಗ ಕರ್ನಾಟಕ ಪಬ್ಲಿಕ್ ಸ್ಕೂಲ್ನ ಪ್ರಧಾನ ಅಂಗವಾಗಿದೆ. ಆದರೆ, ವಿಜ್ಞಾನ ವಿಭಾಗದ ಆರಂಭಕ್ಕೆ ಮುಹೂರ್ತ ಕೂಡಿಬಂದಿಲ್ಲ.