ಈ ಜೋಡಿ ಮಾರ್ಗವನ್ನು ಚಿಕ್ಕೋಡಿ ರಸ್ತೆ ಹಾಗೂ ರಾಯಬಾಗ ನಿಲ್ದಾಣದವರೆಗೆ ಸರಕು ಹಾಗೂ ಪ್ರಯಾಣಿಕ ಸಾಗಣೆ ರೈಲುಗಳಿಗೆ ಮುಕ್ತಗೊಳಿಸಲಾಗಿದೆ. 21 ಸಣ್ಣ, 2 ಆರ್ಒಬಿ ಈ ಭಾಗದಲ್ಲಿ ಬರುತ್ತದೆ. ಲೆವಲ್ ಕ್ರಾಸಿಂಗ್ ವ್ಯವಸ್ಥೆ ಮಾಡಲಾಗಿದೆ. ರಾಯಬಾಗ ನಿಲ್ದಾಣದಲ್ಲಿ ಪುರುಷರ ಹಾಗೂ ಮಹಿಳೆಯರ ವಿಶ್ರಾಂತಿ ಸಭಾಂಗಣ, ಹವಾನಿಯಂತ್ರಿತ ವಿಶ್ರಾಂತಿ ಕೊಠಡಿ, 2 ಹೊಸ ಪ್ಲಾಟ್ಫಾರಂಗಳು, ಒಂದು ಮೇಲ್ಸೇತುವೆ ಮೊದಲಾದ ಸೌಲಭ್ಯಗಳನ್ನು ಒದಗಿಸಲಾಗಿದೆ. ನಿಲ್ದಾಣದಲ್ಲಿ ಗೂಡ್ಸ್ ಅಂಕಣಕ್ಕೆ ಹೋಗುವುದಕ್ಕೆಂದೇ ಪ್ರತ್ಯೇಕ ಹಳಿ ಜೋಡಿಸಲಾಗಿದೆ ಎಂದು ಇಲಾಖೆ ತಿಳಿಸಿದೆ.