ಆರೋಗ್ಯ ಸಿಬ್ಬಂದಿ ಮೇಲೆ ಹಲ್ಲೆಗೆ ಯತ್ನ; ಕುರಿಗಾಹಿಯ ಬಂಧನ

ವಿಪರೀತ ಮದ್ಯಪಾನ ಮಾಡಿದ್ದ ವಿಠ್ಠಲ ಗುರುವಾರ ಸಂಜೆ ಆಸ್ಪತ್ರೆಗೆ ಬಂದಿದ್ದರು. ಕೈಯಲ್ಲಿ ಹಿಡಿದುಕೊಂಡು ಬಂದಿದ್ದ ಕೊಡಲಿಯನ್ನು ಅತ್ತಂದಿತ್ತ ಬೀಸುತ್ತಿದ್ದರು. ಇದನ್ನು ನೋಡಿದ ಸಿಬ್ಬಂದಿ, ಭಯದಿಂದ ಆಸ್ಪತ್ರೆಯ ಬಾಗಿಲು ಹಾಕಿಕೊಂಡಿದ್ದರು. ಇದರಿಂದ ರೊಚ್ಚಿಗೆದ್ದ ವಿಠ್ಠಲ, ತಾನು ಬರುವುದನ್ನು ನೋಡಿ ಬಾಗಿಲು ಹಾಕಿಕೊಂಡಿದ್ದಾರೆ ಎಂದು ಅರ್ಥೈಸಿಕೊಂಡು ಕೊಡಲಿಯಿಂದ ಬಾಗಿಲಿಗೆ ಹೊಡೆದಿದ್ದಾರೆ. ಕಿಟಕಿಗಳ ಗಾಜು ಒಡೆದುಹಾಕಿದ್ದಾರೆ.

‘ಅವರನ್ನು ಗದರಿಸಿ, ಶಾಂತವಾಗಿಸಲು ಯತ್ನಿಸಿದ ಡಿ ದರ್ಜೆ ನೌಕರ ಮಹೇಶ ಮೇಲೆಯೇ ಕೊಡಲಿಯಿಂದ ದಾಳಿ ನಡೆಸಲು ಯತ್ನಿಸಿದ್ದರು’ ಎಂದು ಆರೋಗ್ಯ ಕೇಂದ್ರದ ಅಧಿಕಾರಿ ಡಾ.ಗೀತಾ ಪೊಲೀಸರಿಗೆ ತಿಳಿಸಿದ್ದಾರೆ. ಆಸ್ಪತ್ರೆಯ ಸಿಬ್ಬಂದಿ ದೂರು ನೀಡಿದ ಹಿನ್ನೆಲೆಯಲ್ಲಿ ಪೊಲೀಸರು, ವಿಠ್ಠಲನನ್ನು ಬಂಧಿಸಿದ್ದಾರೆ.