ಇಲ್ಲಿನ ಸಾಂಬ್ರಾದಲ್ಲಿ ವಿಮಾನನಿಲ್ದಾಣ ಹಾಗೂ ವೈಮಾನಿಕ ತರಬೇತಿ ಶಾಲೆಯೂ ಇರುವುದರಿಂದ ವಿಮಾನಗಳು ಹಾರಾಡುವ ಶಬ್ದ ಆಗಾಗ ಸಾಮಾನ್ಯವಾಗಿ ಕೇಳಿಬರುತ್ತಿರುತ್ತದೆ. ಆದರೆ, ಶುಕ್ರವಾರ ಆಕಾಶವನ್ನು ಸೀಳಿಕೊಂಡು ಹೋಗುತ್ತಿದ್ದ ವಿಮಾನಗಳು ಬಹಳ ಶಬ್ದವನ್ನು ಉಂಟು ಮಾಡಿದವು. ಜೊತೆಗೆ ಕುತೂಹಲವನ್ನೂ ಮೂಡಿಸಿದವು. ಅವು ತೀರಾ ಕೆಳಮಟ್ಟದಲ್ಲಿ ಹಾರಾಡಿದ ಸುದ್ದಿಯು ಕೆಲಕಾಲ ಆತಂಕವನ್ನೂ ಹರಡಿತು. ಈ ಕುರಿತು ಸಾಮಾಜಿಕ ಜಾಲತಾಣದಲ್ಲೂ ಬಹಳ ಚರ್ಚೆಯಾಯಿತು.