ಬೆಳಗಾವಿ: ‘ಬಡ ಮತ್ತು ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಆರ್ಥಿಕ ನೆರವು ಒದಗಿಸುತ್ತಿರುವ ವಿದ್ಯಾಪೋಷಕ ಸಂಸ್ಥೆಯ ಕಾರ್ಯ ಶ್ಲಾಘನೀಯ’ ಎಂದು ಭರತೇಶ ಎಜ್ಯುಕೇಷನ್ ಟ್ರಸ್ಟ್ ಸದಸ್ಯ ವಿನೋದ ದೊಡ್ಡನವರ ಹೇಳಿದರು.
ಇಲ್ಲಿನ ಭರತೇಶ ಹೊಮಿಯೊಪಥಿಕ್ ವೈದ್ಯಕೀಯ ಮಹಾವಿದ್ಯಾಲಯದಲ್ಲಿ ವಿದ್ಯಾಪೋಷಕ ಸಂಸ್ಥೆ ಹಮ್ಮಿಕೊಂಡಿದ್ದ ‘ವಿನಮ್ರ ಆರ್ಥಿಕ ಸಹಾಯ’ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿದರು.
ಉದ್ಯಮಿ ರಾಜೇಂದ್ರ ಜೈನ, ‘ವಿದ್ಯಾಪೋಷಕ ಸಂಸ್ಥೆ ಹಲವು ವರ್ಷಗಳಿಂದ ಬಡ ಮಕ್ಕಳ ಸಂಕಷ್ಟಕ್ಕೆ ಸ್ಪಂದಿಸುತ್ತಿದೆ. ಸಾಮಾಜಿಕ ಕೆಲಸದಲ್ಲಿ ತನ್ನನ್ನು ತೊಡಗಿಸಿಕೊಂಡಿದೆ’ ಎಂದು ಶ್ಲಾಘಿಸಿದರು.
ಜಿಲ್ಲೆಯ 235 ವಿದ್ಯಾರ್ಥಿಗಳಿಗೆ ಸಂಸ್ಥೆಯ ವತಿಯಿಂದ ₹27.24 ಲಕ್ಷ ಆರ್ಥಿಕ ನೆರವಿನ ಚೆಕ್ ವಿತರಿಸಲಾಯಿತು. ಗದಗ ಜಿಲ್ಲಾ ಸಹಕಾರ ಸೊಸೈಟಿ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಎಸ್.ಕೆ.ಚಂದ್ರಶೇಖರ, ಡಾ.ಮಹಾಂತೇಶ ಗಾಣಿಗೇರ, ಸಿ.ಬಿ.ಕೌಜಲಗಿ, ಈರಣ್ಣ ಗುಡಿಗೌಡರ ಹಾಜರಿದ್ದರು. ರತ್ನಾ ಹಿಪ್ಪರಗಿ ಸ್ವಾಗತಿಸಿದರು. ಕಾವೇರಿ ಬೀಳಗಿ ನಿರೂಪಿಸಿದರು.
