ಗಣೇಶೋತ್ಸವ ಸಿದ್ಧತೆ ಪರಿಶೀಲಿಸಿದ ಶಾಸಕ

ದಕ್ಷಿಣ ಮತಕ್ಷೇತ್ರದ ವ್ಯಾಪ್ತಿಗೆ ಒಳಪಡುವ ಶಹಾಪುರದ ವಿವಿಧ ಪಾರಂಪರಿಕ ಮಾರ್ಗಗಳಲ್ಲಿ ಸಂಚರಿಸಿದ ಶಾಸಕ, ಅಲ್ಲಿನ ಅಡೆತಡೆಗಳು ಹಾಗೂ ಬಾಕಿ ಉಳಿದ ಕೆಲಸಗಳನ್ನು ಪರಿಶೀಲಿಸಿದರು. ಕೊರೊನಾ ಬಳಿಕ ಎರಡು ವರ್ಷಗಳ ನಂತರ ಅದ್ಧೂರಿಯಾಗಿ ಹಬ್ಬ ನಡೆಯಲಿದೆ. ಈಗಿನಿಂದಲೇ ಎಲ್ಲ ಅಡೆತಡೆಗಳನ್ನು ನಿವಾಸಿಸಬೇಕು, ರಸ್ತೆಗಳಲ್ಲಿನ ತಗ್ಗುಗಳನ್ನು ಮುಚ್ಚಿ, ಫುಟ್‌ಪಾತ್‌ ಸರಿಪಡಿಸಬೇಕು. ಮೆರವಣಿಗೆಗೆ ಯಾವುದೇ ಅಡ್ಡಿಯಾಗದಂತೆ ನೋಡಿಕೊಳ್ಳಬೇಕು ಎಂದು ಸಂಬಂಧಿಸಿದ ಅಧಿಕಾರಿಗಳು ಸೂಚನೆ ನೀಡಿದರು.

ರಸ್ತೆಯ ಇಕ್ಕೆಲಗಳಲ್ಲಿ ನೇತಾಡುತ್ತಿರುವ ವಿದ್ಯುತ್ ತಂತಿಗಳನ್ನು ಸರಿಪಡಿಸಬೇಕು. ಮಧ್ಯೆದಲ್ಲಿ ಬೆಳೆದಿರುವ ಮರದ ರೆಂಬೆ– ಕೊಂಬೆಗಳನ್ನು ಕತ್ತರಿಸಬೇಕು. ಎಲ್ಲ ನಗರ ಸೇವಕರು, ಆಯುಕ್ತರು, ಅಧಿಕಾರಿ, ಮಹಾಮಂಡಲದ ಸದಸ್ಯರ ಜೊತೆಯಲ್ಲಿ ಗಣೇಶ ಆಗಮನದ ಮಾರ್ಗ– ನಿರ್ಗಮನ ಮಾರ್ಗದ ಪರಿಶೀಲನೆ ಮಾಡಲಾಗಿದೆ. 2-3 ದಿನಗಳಲ್ಲಿ ಕೆಲಸ ಆರಂಭಗೊಳ್ಳಲಿದೆ. ಬೇರೆಡೆಯಿಂದ ಬೆಳಗಾವಿಗೆ ಆಗಮಿಸುವ ಜನರಿಗೆ ತೊಂದರೆಯಾಗದಂತೆ ಗಮನ ವಹಿಸಬೇಕು. ವಿನಾಕಾರಣ ತಡರಾತ್ರಿ ಜನಹಿತದಲ್ಲಿ ಅಂಗಡಿಗಳನ್ನು ತೆರೆದ ವ್ಯಾಪಾರಿಗಳಿಗೆ ಮುಚ್ಚುವಂತೆ ಒತ್ತಾಯ ಹೇರಬಾರದು ಎಂದು ಶಾಸಕ ಹೇಳಿದರು.

ಲೋಕಮಾನ್ಯ ಸಾರ್ವಜನಿಕ ಗಣೇಶೋತ್ಸವ ಮಹಾಮಂಡಲದ ಪದಾಧಿಕಾರಿಗಳು, ನಗರಸೇವಕರು, ಹೆಸ್ಕಾಂ, ಮಹಾನಗರ ಪಾಲಿಕೆ ಮತ್ತು ಅರಣ್ಯ ಇಲಾಖೆಯ ಅಧಿಕಾರಿಗಳು ಇದ್ದರು.