ಶಿವಾಜಿ ನಗರದಲ್ಲಿ 300 ಮನೆಗಳಿವೆ. ಜಾಂಬೋಟಿ-ಜತ್ತ ರಾಜ್ಯ ಹೆದ್ದಾರಿಯ ಎರಡೂ ಬದಿಗಳಲ್ಲಿ ಹರಡಿಕೊಂಡಿರುವ ಈ ಬಡಾವಣೆಯಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ನಿವೃತ್ತ ಶಿಕ್ಷಕರು, ಮಾಜಿ ಸೈನಿಕರು ಮತ್ತು ಅರಣ್ಯ ಇಲಾಖೆಯವರು ಮನೆ ಕಟ್ಟಿಕೊಂಡು ವಾಸಿಸುತ್ತಿದ್ದಾರೆ. ಒಟ್ಟು 6 ಮುಖ್ಯ ರಸ್ತೆಗಳು, 20 ಅಡ್ಡ ರಸ್ತೆಗಳ ಪೈಕಿ ಶೇ.30ರಷ್ಟು ಸಿ.ಸಿ ರಸ್ತೆಗಳಿದ್ದು, ಉಳಿದವು ಕಚ್ಚಾ ರಸ್ತೆಯಾಗಿವೆ. ದಶಕಗಳ ಹಿಂದೆ ನಿರ್ಮಾಣವಾದ ಈ ರಸ್ತೆಗಳಲ್ಲಿ ಕಲ್ಲು-ಖಡಿಗಳು ಕಿತ್ತುಹೋಗಿವೆ.