ಸರ್ಕಾರದ ವಿರುದ್ಧ ಸಿಡಿದೇಳುವವರ ತುಟಿ ಹಿಡಿದು ರಮಿಸುವುದರಲ್ಲೇ ಕಾಲಹರಣ: ಜಿಗಜಿಣಗಿ

7

ಸರ್ಕಾರದ ವಿರುದ್ಧ ಸಿಡಿದೇಳುವವರ ತುಟಿ ಹಿಡಿದು ರಮಿಸುವುದರಲ್ಲೇ ಕಾಲಹರಣ: ಜಿಗಜಿಣಗಿ

Published:
Updated:

ವಿಜಯಪುರ: ‘ತಮ್ಮ ಸರ್ಕಾರದ ವಿರುದ್ಧ ಸಿಡಿದೇಳುವವರ ತುಟಿ ಹಿಡಿದು ರಮಿಸುವುದರಲ್ಲೇ ಮುಖ್ಯಮಂತ್ರಿ ಕಾಲಹರಣ ಮಾಡುತ್ತಿದ್ದಾರೆ’ ಎಂದು ಕೇಂದ್ರ ಸಚಿವ ರಮೇಶ ಜಿಗಜಿಣಗಿ ಲೇವಡಿ ಮಾಡಿದರು.

‘ಬೆಳಗಾವಿ ಜಿಲ್ಲಾ ಕಾಂಗ್ರೆಸ್‌ನ ಭಿನ್ನಮತ ತೀವ್ರ ಸ್ವರೂಪ ಪಡೆದಿದೆ. ಇದರ ಬೆನ್ನಿಗೆ ರಾಜ್ಯ ಸರ್ಕಾರ ಪತನದ ದಿನಗಣನೆಯೂ ನಡೆದಿದೆ’ ಎಂದು ಗುರುವಾರ ತಮ್ಮನ್ನು ಭೇಟಿಯಾದ ಪತ್ರಕರ್ತರಿಗೆ ತಿಳಿಸಿದರು.

‘ನಾಲ್ಕು ದಶಕದ ನನ್ನ ರಾಜಕಾರಣದ ಅನುಭವದಲ್ಲಿ ಈ ಬಾರಿ ಬರದ ತೀವ್ರತೆ ಹೆಚ್ಚಿದೆ. ಜನರಿಗೆ ಸ್ಪಂದಿಸಬೇಕಾದ ಮುಖ್ಯಮಂತ್ರಿ ಸರ್ಕಾರದೊಳಗಿನ ಜಗಳ ಬಗೆಹರಿಸಿಕೊಳ್ಳುವುದರಲ್ಲೇ ಕಾಲಹರಣ ಮಾಡುತ್ತಿದ್ದಾರೆ. ಹೆಚ್ಚೆಂದರೇ ಮೈಸೂರು, ಮಂಡ್ಯ, ರಾಮನಗರ, ಹಾಸನ ಜಿಲ್ಲೆಗಳಿಗಷ್ಟೇ ಭೇಟಿ ಕೊಡ್ತಿದ್ದಾರೆ’ ಎಂದು ಜಿಗಜಿಣಗಿ ವಾಗ್ದಾಳಿ ನಡೆಸಿದರು.

‘ರಾಮಕೃಷ್ಣ ಹೆಗಡೆ ಮುಖ್ಯಮಂತ್ರಿಯಿದ್ದಾಗ, ಬರ ಎದುರಾದ ಸಂದರ್ಭ ಯಾವೊಬ್ಬ ಸಚಿವ ಬೆಂಗಳೂರಿನಲ್ಲಿ ಉಳಿಯಲು ಬಿಟ್ಟಿರಲಿಲ್ಲ. ಅಪ್ಪಿತಪ್ಪಿ ಹೋದ್ರೂ, ಗುಪ್ತಚರ ಇಲಾಖೆಯಿಂದ ಮಾಹಿತಿ ಪಡೆದು, ಫೋನಚ್ಚಿ ಮೊದಲು ನಿಮ್ಮೂರುಗಳಿಗೆ ಹೋಗಿ ಜನರ ಸಮಸ್ಯೆ ಆಲಿಸಿ ಎಂದು ಗದರುತ್ತಿದ್ದರು. ಇದೀಗ ವಿದೇಶಕ್ಕೆ ಸಚಿವರನ್ನು ಅಧ್ಯಯನ ಪ್ರವಾಸಕ್ಕೆಂದು ಕಳುಹಿಸಿದ್ದಾರೆ’ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !