ಬೆಳಗಾವಿ: ನಗರದಲ್ಲಿ ಪೊಲೀಸರು ಮಟ್ಕಾ ಜೂಜಾಟದ ಅಡ್ಡೆ ಮೇಲೆ ಪ್ರತ್ಯೇಕ ದಾಳಿ ನಡೆಸಿ ಆರು ಮಂದಿ ಆರೋಪಿಗಳನ್ನು ಗುರುವಾರ ಬಂಧಿಸಿದ್ದಾರೆ.
ಮಜಗಾವಿಯಲ್ಲಿ ಅದೇ ಗ್ರಾಮದ ಅಬ್ದುಲ್ ತಿಗಡಿ, ಮಚ್ಚೆಯ ಸುರೇಶ ಕರೆನ್ನವರ ಹಾಗೂ ರುಕ್ಮಿಣಿ ನಗರದ ವಾಸಿಂ ಹುಕ್ಕೇರಿ ಎನ್ನುವವರನ್ನು ಬಂಧಿಸಿ, ₹ 13,570, ಮೊಬೈಲ್ ಫೋನ್ ಮತ್ತು ದ್ವಿಚಕ್ರವಾಹನ ವಶಪಡಿಸಿಕೊಂಡಿದ್ದಾರೆ.
ಖಡೇಬಜಾರ್ ಪೊಲೀಸರು, ಸ್ಟೇಷನ್ ರಸ್ತೆಯಲ್ಲಿ ಗಾಂಧಿನಗರದ ಮೆಹಬೂಬ ಶಿಲೇದಾರ, ಅಮನ್ ನಗರದ ಜಹೀರ್ ಸನದಿ ಮತ್ತು ಶಂಶುದ್ದೀನ್ ನಾಯಕ್ ಎನ್ನುವವರನ್ನು ಬಂಧಿಸಿ, ಅವರಿಂದ ₹ 5,150 ವಶಕ್ಕೆ ಪಡೆದಿದ್ದಾರೆ. ಪ್ರಕರಣ ದಾಖಲಾಗಿದೆ ಎಂದು ಡಿಸಿಪಿ ವಿಕ್ರಮ್ ಅಮಟೆ ತಿಳಿಸಿದ್ದಾರೆ.