ಬೆಳಗಾವಿ: ಇಲ್ಲಿನ ಹಳೇ ಬೆಳಗಾವಿ ನಾಕಾ ಬಳಿ ಭಾನುವಾರ ರಾತ್ರಿ ನಡೆದ ಸ್ನೇಹಿತರ ಜಗಳ ಕೊಲೆಯಲ್ಲಿ ಅಂತ್ಯವಾಗಿದೆ.
ಹಳೇ ಬೆಳಗಾವಿ ಕನಕದಾಸ ನಗರದ ಸೂರಜ ಗೌಂಡವಾಡಕರ (23) ಮೃತ. ಅವರ ಸ್ನೇಹಿತ ಎನ್ನಲಾದ ವಡಗಾವಿಯ ವಜೆ ಗಲ್ಲಿಯ ಮಂಗೇಶ ಹಸಬೆ (23) ಎನ್ನುವವರನ್ನು ಕೊಲೆ ಅರೋಪದ ಮೇಲೆ ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ.
‘ಇಬ್ಬರೂ ಬಾರೊಂದರಲ್ಲಿ ಮದ್ಯಪಾನ ಮಾಡುತ್ತಿದ್ದ ವೇಳೆ ಜಗಳವಾಡಿಕೊಂಡಿದ್ದಾರೆ. ಮಂಗೇಶ ತನ್ನ ಬಳಿ ಇದ್ದ ಚಾಕುವಿನಿಂದ ಸೂರಜ ಹೊಟ್ಟೆಗೆ ಇರಿದಿದ್ದಾನೆ. ಇದರಿಂದ ಆತ ರಕ್ತಸ್ರಾವದಿಂದ ಮೃತಪಟ್ಟಿದ್ದಾನೆ ಎಂದು ಮಾಹಿತಿ ತಿಳಿದುಬಂದಿದೆ. ತನಿಖೆ ನಡೆಯುತ್ತಿದೆ’ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.
ಶಹಾಪುರ ಠಾಣೆ ಇನ್ಸ್ಪೆಕ್ಟರ್ ವಿನಾಯಕ ಬಡಿಗೇರ ಸ್ಥಳಕ್ಕೆ ಭೇಟಿ ನೀಡಿದ್ದರು. ಪ್ರಕರಣ ದಾಖಲಾಗಿದೆ.