ಮಳೆಗಾಲದಲ್ಲಿ ನಾಲೆ ಸ್ವಚ್ಛತೆ!

ಬೆಳಗಾವಿ: ನಗರದ ಕೋಟೆ ಸಮೀಪದ ಜೀಜಾಮಾತಾ ವೃತ್ತ ಸಮೀಪದ ನಾಲಾ ಸ್ವಚ್ಛಗೊಳಿಸುವ ಕಾರ್ಯಕ್ಕೆ ಬುಧವಾರ ಚಾಲನೆ ನೀಡಲಾಯಿತು.

ಎರಡು ದಿನಗಳಿಂದ ಸಾರ್ವಜನಿಕರ ಮಳೆ ಪ್ರಾರಂಭವಾಗಿದ್ದು, ನಾಲಾಗಳು ತ್ಯಾಜ್ಯದಿಂದ ತುಂಬಿರುವುದನ್ನು ಗಮನಿಸಿದ ಉತ್ತರ ಕ್ಷೇತ್ರದ ಶಾಸಕ ಅನಿಲ ಬೆನಕೆ ನಾಲೆಗಳನ್ನು ಸ್ವಚ್ಛಗೊಳಿಸಲು ಕ್ರಮ ವಹಿಸುವಂತೆ ಮಹಾನಗರ ಪಾಲಿಕೆ ಆಯುಕ್ತ ಕೆ.ಎಚ್. ಜಗದೀಶ್ ಅವರಿಗೆ ಸೂಚಿಸಿದ್ದರು.

ಸ್ವಚ್ಛತಾ ಕಾರ್ಯವನ್ನು ಪರಿಶೀಲಿಸಿದ ಶಾಸಕರು, ‘ಮಳೆ ನೀರು ಸರಾಗವಾಗಿ ಹರಿದು ಹೋಗುವಂತೆ ವ್ಯವಸ್ಥೆ ಮಾಡಬೇಕು’ ಎಂದು ಸಿಬ್ಬಂದಿಗೆ ತಾಕೀತು ಮಾಡಿದರು.

‘ಕಾಮತ್ ಗಲ್ಲಿ, ಫೋರ್ಟ್‌ ರಸ್ತೆ, ಕಸಾಯಿ ಗಲ್ಲಿಯಲ್ಲಿರುವ ಚರಂಡಿಗಳನ್ನೂ ಸ್ವಚ್ಛಗೊಳಿಸಿ ಮಳೆಗಾಲದಲ್ಲಿ ರಹವಾಸಿಗಳಿಗೆ ತೊಂದರೆ ಆಗದಂತೆ ನೋಡಿಕೊಳ್ಳಬೇಕು’ ಎಂದು ಸೂಚಿಸಿದರು.

ಸ್ಥಳಿಯರಾದ ರಾಹುಲ ಮುಚ್ಚಂಡಿ, ಶಂಕರ ಪಾಟೀಲ ಇದ್ದರು.