ಬೆಳಗಾವಿ: ಬೆಳಗಾವಿ ಧರ್ಮಪ್ರಾಂತ್ಯದ 6ನೇ ಬಿಷಪ್ ಆಗಿ ಡೆರಿಕ್ ಫರ್ನಾಂಡೀಸ್ ಅವರು ಬುಧವಾರ ಅಧಿಕಾರ ಸ್ವೀಕರಿಸಿದರು.
ಕ್ಯಾಂಪ್ನ ಫಾತಿಮಾ ಚರ್ಚ್ನಲ್ಲಿ ಕಾರ್ಯಕ್ರಮದಲ್ಲಿ, ಬೆಂಗಳೂರು ಧರ್ಮಪ್ರಾಂತ್ಯದ ಧರ್ಮಾಧ್ಯಕ್ಷ ಪೀಟರ್ ಮಚಾಡೊ ಹಾಗೂ ಇತರ ಧರ್ಮಪ್ರಾಂತ್ಯದ ಧರ್ಮಾಧ್ಯಕ್ಷರ ಸಮ್ಮುಖದಲ್ಲಿ ಪದಗ್ರಹಣ ಮಾಡಿದರು. ನಂತರ ನಾಗರಿಕರಿಂದ ಗೌರವ ಸ್ವೀಕರಿಸಿದರು.
ನಂತರ ಮಾತನಾಡಿದ ಅವರು, ‘ಎಲ್ಲರೂ ಪ್ರಾರ್ಥನೆಯ ಮೂಲಕ ದೇವರ ಮಾತುಗಳನ್ನು ಆಲಿಸಬೇಕು. ಅದರಂತೆ ನಡೆದುಕೊಳ್ಳಬೇಕು. ಮಾನವೀಯತೆಯಿಂದ ನಡೆದುಕೊಳ್ಳಬೇಕು. ಸಮಾಜದಿಂದ ಅಪಾರವಾಗಿ ಪಡೆಯುವ ನಾವು ಪ್ರತಿಯಾಗಿ ಕೊಡುಗೆ ನೀಡಬೇಕು. ಜಾತಿ, ಧರ್ಮ ನೋಡದೇ ಎಲ್ಲ ಬಡವರಿಗೂ ನೆರವಾಗಬೇಕು’ ಎಂದು ಹೇಳಿದರು.
ಡಿಸಿಪಿ ಸೀಮಾ ಲಾಟ್ಕರ್, ಕೆಎಲ್ಇ ಉನ್ನತ ಶಿಕ್ಷಣ ಹಾಗೂ ಸಂಶೋಧನಾ ಅಕಾಡೆಮಿ ಕುಲಪತಿ ಡಾ.ವಿವೇಕ ಸಾವಜಿ, ಅಂಗಡಿ ಸಮೂಹ ಸಂಸ್ಥೆಗಳ ಮುಖ್ಯಸ್ಥ ಸಂಜಯ ಪೂಜಾರಿ ಭಾಗವಹಿಸಿದ್ದರು.