ತ‍ಪ್ಪುಗಳನ್ನು ಸರಿಪಡಿಸಿದ ಆಯುಕ್ತರು

7

ತ‍ಪ್ಪುಗಳನ್ನು ಸರಿಪಡಿಸಿದ ಆಯುಕ್ತರು

Published:
Updated:

ಬೆಳಗಾವಿ: ಕನ್ನಡದಲ್ಲಿ ರೂಪಿಸಿರುವ ನಗರ ಪೊಲೀಸ್‌ ಆಯುಕ್ತಾಲಯದ ಜಾಲತಾಣದ (https://www.belagavicitypolice.in) ಮುಖಪುಟದಲ್ಲಿದ್ದ ಪದಗಳು ಹಾಗೂ ವಾಕ್ಯ ರಚನೆಯ ದೋಷಗಳನ್ನು ಸರಿಪಡಿಸಲಾಗಿದೆ.

ಈ ಜಾಲತಾಣ ಸಂಪೂರ್ಣವಾಗಿ ಇಂಗ್ಲಿಷ್‌ನಲ್ಲಿರುವ ಬಗ್ಗೆ, ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ಪ್ರೊ.ಎಸ್.ಜಿ. ಸಿದ್ದರಾಮಯ್ಯ ಪ್ರಗತಿ ಪರಿಶೀಲನಾ ಸಭೆಯಲ್ಲಿ ಆಕ್ಷೇಪ ವ್ಯಕ್ತಪಡಿಸಿದ್ದರು. 15 ದಿನಗಳ ಒಳಗೆ ಕನ್ನಡದಲ್ಲಿ ರೂಪಿಸಬೇಕು ಎಂದು ಸೂಚಿಸಿದ್ದರು.

ಇದರಿಂದ ಎಚ್ಚೆತ್ತ ಪೊಲೀಸ್‌ ಆಯುಕ್ತ ಡಿ.ಸಿ. ರಾಜಪ್ಪ ಒಂದೇ ದಿನದಲ್ಲೇ ಜಾಲತಾಣವನ್ನು ಕನ್ನಡದಲ್ಲಿ ರೂಪಿಸಿ ಗಮನಸೆಳೆದಿದ್ದರು.

ಆದರೆ, ಅದರಲ್ಲಿ ಹಲವು ತಪ್ಪುಗಳು ಉಳಿದಿರುವ ಬಗ್ಗೆ ‘ಪ್ರಜಾವಾಣಿ’ ಶುಕ್ರವಾರ ವರದಿ ಪ್ರಕಟವಾಗಿತ್ತು. ಇದನ್ನು ಗಮನಿಸಿದ ಆಯುಕ್ತರು, ತಾವೇ ಮುತುವರ್ಜಿ ವಹಿಸಿ ತಪ್ಪುಗಳನ್ನು ಸರಿಪಡಿಸಿದ್ದಾರೆ.

ಗೋಕಾಕ ಚಳವಳಿ ವೇಳೆ ರಾಜಪ್ಪ ಅವರು ರಚಿಸಿದ್ದ ‘ಮೈ ಮರೆತು ಮಲಗಿರುವ ಕನ್ನಡಿಗ ಮೇಲೇಳು ಬೇಗ’ ಎನ್ನುವ ಕವನವನ್ನು ಜಾಲತಾಣದ ಮುಖಪುಟದ ಎಡಭಾಗದಲ್ಲಿ ಪ್ರಕಟಿಸಲಾಗಿದೆ. ಈ ಮೂಲಕ ಕನ್ನಡದ ಅಭಿಮಾನ ಬಡಿದೆಬ್ಬಿಸುವ ಯತ್ನ ಮಾಡಲಾಗಿದೆ.

‘ಅನ್ಯ ಭಾಷಿಕರೊಬ್ಬರು ಜಾಲತಾಣ ಸಿದ್ಧಪಡಿಸಿದ್ದಾರೆ. ಅವರಿಗೆ ಕನ್ನಡ ಸರಿಯಾಗಿ ಗೊತ್ತಾಗಿಲ್ಲ. ಇದರಿಂದಾಗಿ ತಪ್ಪುಗಳಾಗಿದ್ದವು. ಈಗ  ಎಲ್ಲವನ್ನೂ ಸರಿಪಡಿಸಿದ್ದೇವೆ’ ಎಂದು ಆಯುಕ್ತರು ತಿಳಿಸಿದರು.

 

 

 

 

 

 

Tags: 

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !