ಅಂಬಿರಾವ್‌ ಪಾಟೀಲ ವಿರುದ್ಧ ಸತೀಶ ಜಾರಕಿಹೊಳಿ ಕಿಡಿ

ಗೋಕಾಕದಲ್ಲಿ ಮಂಗಳವಾರ ಸುದ್ದಿಗಾರರ ಜೊತೆ ಮಾತನಾಡಿದ ಅವರು, ‘20 ವರ್ಷಗಳ ಹಿಂದೆ ರಮೇಶ ಅವರ ಮಗನನ್ನು ನೋಡಿಕೊಳ್ಳಲು ಅಂಬಿರಾವ್‌ ಬಂದಿದ್ದರು. ನಂತರ ಅವರು ರಮೇಶ ಅವರ ಎಲ್ಲ ವ್ಯವಹಾರಗಳನ್ನು ನಿರ್ವಹಿಸಲು ಆರಂಭಿಸಿದರು. ಹೆಸರಿಗೆ ಮಾತ್ರ ರಮೇಶ ಶಾಸಕರಾಗಿದ್ದರು. ವರ್ಗಾವಣೆ, ಗುತ್ತಿಗೆ ಹಂಚಿಕೆ ಸೇರಿದಂತೆ ಎಲ್ಲ ವ್ಯವಹಾರಗಳನ್ನು ಅವರೇ ನೋಡಿಕೊಳ್ಳುತ್ತಿದ್ದರು’ ಎಂದರು.

‘ರಮೇಶ ಬಿಜೆಪಿ ಮುಖಂಡರ ಜೊತೆ ಚರ್ಚಿಸಲು, ಮುಂಬೈ ಹಾಗೂ ಇತರ ಕಡೆ ಹೋಗಿದ್ದಾಗಲೂ ಅಂಬಿರಾವ್‌ ಜೊತೆಗಿದ್ದರು. ಗೋಕಾಕದಲ್ಲಿ ಅಂಬಿರಾವ್‌ ಅತ್ಯಂತ ಪ್ರಬಲವಾಗಿ ಬೆಳೆದಿದ್ದಾರೆ. ಅವರನ್ನು ಕಂಡರೆ ಜನರು ಹೆದರುವ ಪರಿಸ್ಥಿತಿ ಬಂದಿದೆ’ ಎಂದು ಹೇಳಿದರು.