78 ಅಡಿ ಎತ್ತರದ ಶಿವನಿಗೆ ವಿಶೇಷ ಪೂಜೆ

ರಾಮದುರ್ಗ: ತಾಲ್ಲೂಕಿನ ಮುಳ್ಳೂರು ಬೆಟ್ಟದಲ್ಲಿರುವ 78 ಅಡಿ ಎತ್ತರದ ಶಿವನಮೂರ್ತಿ ಹಾಗೂ 22 ಅಡಿ ಎತ್ತರದ ನಂದಿ ಮೂರ್ತಿಗೆ ವಿಶೇಷ ಪೂಜೆ ಸಲ್ಲಿಸಿ ಶಿವರಾತ್ರಿ ಹಬ್ಬವನ್ನು ವಿಶೇಷವಾಗಿ ಆಚರಿಸಲಾಯಿತು.

. ರಾಜ್ಯ ಮತ್ತು ಹೊರರಾಜ್ಯದಿಂದ ಅಪಾರ ಸಂಖ್ಯೆಯಲ್ಲಿ ಭಕ್ತರು ಆಗಮಿಸಿದ್ದರು. ಜಾತಿ ಭೇದವಿಲ್ಲದೇ ಸರ್ವ ಧರ್ಮೀಯರು ಭಾಗವಹಿಸಿದ್ದು, ಭಾವೈಕ್ಯತೆಗೆ ಸಾಕ್ಷಿಯಾಯಿತು. ಕೊರೊನಾ ಹಿನ್ನೆಲೆಯಲ್ಲಿ ಕಳೆದ ಎರಡು ವರ್ಷ ಸರಳವಾಗಿ ಮಹಾಶಿವರಾತ್ರಿ ಉತ್ಸವ ಆಚರಿಸಲಾಗಿತ್ತು. ಆದರೆ ಈ ಭಾರಿ ಕೋವಿಡ್–19 ಹಾವಳಿ ತಗ್ಗಿದ್ದರಿಂದ ಉತ್ಸವಕ್ಕೆ ವಿಶೇಷ ಮೆರಗು ಬಂದಿತ್ತು.

. ಸಾವಿರಾರು ಭಕ್ತರು ಜೈಕಾರ ಮತ್ತು ಶಿವನಾಮ ಜಪದ ಮಧ್ಯೆ ಕೋಟೆಗಳ ನಾಡು ಸಂಭ್ರಮಿಸಿತು. ಮಹಾಶಿವರಾತ್ರಿ ಆಚರಣೆಯಲ್ಲಿ ಸಹಸ್ರಾರು ಭಕ್ತರು ಶನಿವಾರ ಓಂ ನಮಃ ಶಿವಾಯ ಘೋಷದೊಂದಿಗೆ ಪಾಲ್ಗೊಂಡಿದ್ದರು.

. ರಾಮೇಶ್ವರ ದೇವಸ್ಥಾನದ ಧ್ಯಾನ ಮಂದಿರದ ಶಿವಲಿಂಗುವಿಗೆ ರುದ್ರಾಭಿಷೇಕ, ಬಿಲ್ವಾರ್ಚಣೆ ಮಾಡಲಾಯಿತು. ಇದರ ಜೊತೆಗೆ ಶಿವನ ಮೂರ್ತಿಗೆ ವಿಶೇಷ ಪೂಜಾ ಕಾರ್ಯಕ್ರಮಗಳು ಜರುಗಿದವು. ಶಿವನ ಮೂರ್ತಿ ಮುಂದಿನ 22 ಅಡಿ ಎತ್ತರದ ನಂದಿ ವಿಗ್ರಹಕ್ಕೆ ಹೂವಿನ ಅಲಂಕಾರ ಮಾಡಿ ಪೂಜಿಸಲಾಯಿತು.

. ಸುಮಾರು 78 ಅಡಿ ಎತ್ತರದ ಶಿವನ ಮೂರ್ತಿ ನಿರ್ಮಾಣವಾದ ಬಳಿಕ ಮುಳ್ಳೂರು ಬೆಟ್ಟವೂ ಒಂದು ರೀತಿಯಲ್ಲಿ ಪ್ರವಾಸಿ ತಾಣವಾಗಿ ಮಾರ್ಪಟ್ಟಿದೆ. ಮಹಾಶಿವರಾತ್ರಿ ಆಚರಣೆಗೆ ಆಗಮಿಸಿದ ಭಕ್ತರಿಗೆ ಕುಡಿಯುವ ನೀರು, ಉಪವಾಸದ ಫಲಹಾರ ಸಮಿತಿ ವ್ಯವಸ್ಥೆ ಮಾಡಿತ್ತು.

. ಸಂಕೇಶ್ವರ ವರದಿ: ಗಡಿ ಪಟ್ಟಣ ಸಂಕೇಶ್ವರದಲ್ಲಿ ಶಿವರಾತ್ರಿ ಹಬ್ಬವನ್ನು ಭಕ್ತಿ ಮತ್ತು ಶ್ರದ್ಧೆಯಿಂದ ಆಚರಿಸಲಾಯಿತು.

. ಪಟ್ಟಣದ ಭಕ್ತರು ಶಂಕರಲಿಂಗನ ಗುಡಿಗೆ ತೆರಳಿ ಶಿವನ ದರ್ಶನ ಪಡೆದರು. ಮಹಿಳೆಯರು, ಪುರುಷರು, ಮಕ್ಕಳು ಸರದಿ ಸಾಲಿನಲ್ಲಿ ನಿಂತು ದೇವರ ದರ್ಶನ ಪಡೆದು ವಿಶೇಷ ಪೂಜೆ ಸಲ್ಲಿಸಿದರು. ನಂತರ ದೇವಾಲಯದಲ್ಲಿ ವ್ಯವಸ್ಥೆ ಮಾಡಲಾಗಿದ್ದ ಉಪವಾಸದ ಪ್ರಸಾದ ಸ್ವೀಕರಿಸಿದರು.

. ನಿಪ್ಪಾಣಿ ವರದಿ: ತಾಲ್ಲೂಕಿನ ವಿವಿಧೆಡೆಯ ಮಹಾದೇವ ಮಂದಿರಗಳಲ್ಲಿ ಮಂಗಳವಾರ ಮಹಾಶಿವರಾತ್ರಿ ಭಕ್ತರು ಸಂಭ್ರಮದಿಂದ ಆಚರಿಸಿದರು.

. ಸ್ಥಳೀಯ ಮಹಾದೇವಗಲ್ಲಿಯ ಪುರಾತನ ಮಹಾದೇವ ಮಂದಿರದಲ್ಲಿ ಮಹಾಶಿವರಾತ್ರಿ ಅಂಗವಾಗಿ ಮಹಾದೇವನಿಗೆ, ಶಿವಲಿಂಗಕ್ಕೆ ಹೂಗಳಿಂದ ಆಕರ್ಷಕವಾಗಿ ಅಲಂಕರಿ ಸಲಾಗಿತ್ತು. ಬೆಳಿಗ್ಗೆ ದಾದಾರಾಜೆ ದೇಸಾಯಿ ನಿಪ್ಪಾಣಕರ ಸರ್ಕಾರ ದಂಪತಿಯಿಂದ ಅಭಿಷೇಕ ನಡೆಯಿತು. ರೋಹಿತ ಚೌಗುಲೆ ಹಾಗೂ ಸಂಜಯ ಚೌಗುಲೆ ಅವರಿಂದ ರಥದ ಕಳಸ ಪೂಜೆ ಜರುಗಿತು. ಏಕಾದಶಿ ಅಂಗವಾಗಿ ಉದ್ಯಮಿ ಉದಯಭಾಯಿ ಶಹಾ ಅವರಿಂದ ಭಕ್ತಾದಿಗಳಿಗೆ ಖಿಚಡಿಯ ಪ್ರಸಾದ ವಿತರಿಸಲಾಯಿತು.

. ಮಂದಿರದ ಆವರಣದಲ್ಲಿ ಮಹಾರಾಷ್ಟ್ರದ ಪುಣೆಯ ಸ್ವಪ್ನಿಲ್ ಸರಪಳೆ ಇವರಿಂದ ತಯಾರಿಸಲ್ಪಟ್ಟ ಸುಮಾರು 20 ಅಡಿಯ ಹೂವಿನಲ್ಲಿಯ ಮಹಾದೇವನ ಪ್ರತಿಮೆ, ಮಂದಿರದಲ್ಲಿ ಆಕರ್ಷಕ ಅಲಂಕಾರಗೊಂಡಿದ್ದ ಚಿತ್ರಕೃತಿಗಳು ಆಕರ್ಷಕ ಕೇಂದ್ರಬಿಂದುವಾಗಿದ್ದವು. ಎಲ್ಲ ಕಲಾಕೃತಿಗಳಿಗೆ ₹6 ಲಕ್ಷ ಮೊತ್ತದ ನಾಲ್ಕು ಕಂಟೇನರ್ ಹೂವುಗಳನ್ನು ಕೊಂಡುಕೊಳ್ಳಲಾಗಿದೆ.

. ಮಹಾಶಿವರಾತ್ರಿ ಹಾಗೂ ರಥೋತ್ಸವದ ಅಂಗವಾಗಿ ಫೆ.21ರಂದು ಮ.1ಕ್ಕೆ ಭವ್ಯ ರಥೋತ್ಸವ ಹಾಗೂ ಫೆ.24ರಂದು ಮ.12ಕ್ಕೆ ಮಹಾಪ್ರಸಾದ ಕಾರ್ಯಕ್ರಮ ಆಯೋಜಿಸಲಾಗಿದೆ ಎಂದು ದೇಗುಲದ ಮುಖ್ಯಸ್ಥ ಹಾಗೂ ನಗರಸಭೆ ಮಾಜಿ ಉಪಾಧ್ಯಕ್ಷ ಸುನೀಲ ಪಾಟೀಲ ಹೇಳಿದರು.

. ಚಂದ್ರಕಾಂತ ಕೋಠಿವಾಲೆ, ಕಾಕಾಸಾಹೇಬ ಪಾಟೀಲ, ಜಯವಂತ ಭಾಟಲೆ, ಪ್ರವೀನ ಬಾಗೇವಾಡಿ, ರವಿಂದ್ರ ಕೋಠಿವಾಲೆ, ಮಲ್ಲಿಕಾರ್ಜುನ ಗಡ್ಕರಿ, ಸಂಜಯ ಮೊಳವಾಡೆ, ಸುರೇಶ ಶೆಟ್ಟಿ, ರವಿಂದ್ರ ಶೆಟ್ಟಿ, ಸದಾನಂದ ಚಂದ್ರಕುಡೆ, ಬಾಬಾಸಾಹೇಬ ಚಂದ್ರಕುಡೆ, ಅಣ್ಣಾ ಸಾಹೇಬ ಜಾಧವ, ಮಹೇಶ ಬಾಗೇ ವಾಡಿ, ವಿಜಯ ಚಂದ್ರಕುಡೆ, ವಿಜಯ ಧುಮಾಲೆ, ಶಿವಕಾಂತ ಚಂದ್ರಕುಡೆ, ಲಕ್ಷ್ಮಣ ಠಗರೆ ದೇವರ ದರ್ಶನ ಪಡೆದುಕೊಂಡರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

78 ಅಡಿ ಎತ್ತರದ ಶಿವನಿಗೆ ವಿಶೇಷ ಪೂಜೆ

ಇರಾನ್ ವಿರುದ್ಧದ ಯುದ್ಧದಲ್ಲಿ ‘ಅಬ್ರಹಾಂ ಲಿಂಕನ್’: ಅಮೆರಿಕದ ದೈತ್ಯ ನೌಕೆ ಸುತ್ತ

ಚಿನಕುರುಳಿ ಕಾರ್ಟೂನು: 15 ಮಾರ್ಚ್ 2026

ಪ್ರಧಾನಿ ಮೋದಿ ವಿರುದ್ಧ ಎಂದಿಗೂ ಜಾತಿ ನಿಂದನೆ ಮಾಡಿಲ್ಲ: ಮಣಿಶಂಕರ್ ಅಯ್ಯರ್

ರಾಜ್ಯದ ಎರಡು ವಿಧಾನಸಭಾ ಕ್ಷೇತ್ರಗಳಿಗೆ ಉಪಚುನಾವಣೆಗೆ ದಿನಾಂಕ ಘೋಷಣೆ

ಇಂಡಿಯನ್‌ ವೆಲ್ಸ್‌ ಟೆನಿಸ್‌: ಅಲ್ಕರಾಜ್‌ ‘ಓಟ’ಕ್ಕೆ ಮೆಡ್ವೆಡೇವ್ ತಡೆ

ಕೋಲಾರ: ಜೈನ್‌ ವಿ.ವಿ.ಗೆ ಪ್ರಶಸ್ತಿ ‘ಡಬಲ್‌’

ಅಥ್ಲೆಟಿಕ್ಸ್: ಸೆಲ್ವಪ್ರಭುಗೆ ಬೆಳ್ಳಿ ಪದಕ

ರಾಷ್ಟ್ರೀಯ ಓಪನ್‌ ಜಂಪ್‌ ಸ್ಪರ್ಧೆ: ನಿಶಾದ್‌ಗೆ ಐದನೇ ಸ್ಥಾನ

ಒಳನೋಟ: ಹಿತಾಸಕ್ತಿ ಸಂಘರ್ಷದಲ್ಲಿ ಸಹಕಾರ ಸಂಘಗಳು

ಒಳನೋಟ: ಸವಾಲು ಮೆಟ್ಟಿ ಉದ್ಯಮ ಕಟ್ಟಿ

ಒಳನೋಟ: ನೆಡುತೋಪಿನಿಂದ ವನ ವಿಸ್ತರಣೆ?

ಒಳನೋಟ | ಕೋಟಿ ವೃಕ್ಷ ಅಭಿಯಾನಕ್ಕೆ ಜನ ಸಹಭಾಗಿತ್ವ: ಹಸಿರಾಗುತ್ತಿದೆ ವಿಜಯಪುರ

ಇರಾನ್ ವಿರುದ್ಧದ ಯುದ್ಧದಲ್ಲಿ ‘ಅಬ್ರಹಾಂ ಲಿಂಕನ್’: ಅಮೆರಿಕದ ದೈತ್ಯ ನೌಕೆ ಸುತ್ತ

ಚಿನಕುರುಳಿ ಕಾರ್ಟೂನು: 15 ಮಾರ್ಚ್ 2026

ಪ್ರಧಾನಿ ಮೋದಿ ವಿರುದ್ಧ ಎಂದಿಗೂ ಜಾತಿ ನಿಂದನೆ ಮಾಡಿಲ್ಲ: ಮಣಿಶಂಕರ್ ಅಯ್ಯರ್

ರಾಜ್ಯದ ಎರಡು ವಿಧಾನಸಭಾ ಕ್ಷೇತ್ರಗಳಿಗೆ ಉಪಚುನಾವಣೆಗೆ ದಿನಾಂಕ ಘೋಷಣೆ