ಸೋಯಾಅವರೆ ಬೆಲೆ ದಿಡೀರ್ ಕುಸಿತ: ಆಕ್ರೋಶ

‘ಜಿಲ್ಲೆಯಲ್ಲಿ ಕಬ್ಬು ಬೆಳೆಯ ನಂತರ ಬೈಲಹೊಂಗಲ, ಬೆಳಗಾವಿ, ಖಾನಾಪುರ, ಕಿತ್ತೂರು ಮತ್ತು ಸವದತ್ತಿ ತಾಲ್ಲೂಕುಗಳಲ್ಲಿ ಸೋಯಾಅವರೆಯನ್ನು ಅತ್ಯಧಿಕ ಪ್ರಮಾಣದಲ್ಲಿ ಬೆಳೆಯುತ್ತಾರೆ. ಈ ಬಾರಿ ಅತಿವೃಷ್ಟಿಯಿಂದ ಬೆಳೆಗಳು ಹಾಳಾದವು. ಸೋಯಾಅವರೆ ಬೆಳೆಗೆ ಜಂಗಮ ರೋಗ (ಬೆಂಕಿ ರೋಗ) ತಗುಲಿ ಇಳುವರಿಯೂ ಕಡಿಮೆ ಬಂದಿದೆ. ಹಿಂದೆ ಎಕರೆಗೆ 10ಕ್ವಿಂಟಲ್‌ಗಿಂತ ಹೆಚ್ಚು ಇಳುವರಿ ಬರುತ್ತಿತ್ತು. ಈ ವರ್ಷ ಕೇವಲ 2 ಕ್ವಿಂಟಲ್ ಸಿಕ್ಕಿದೆ’ ಎಂದು ತಿಳಿಸಿದರು.

‘ರೋಗಕ್ಕೆ ತುತ್ತಾದ ಬೆಳೆ ಬೇರ್ಪಡಿಸಲು ಪ್ರತಿ ಎಕರೆಗೆ ಸರಾಸರಿ ₹ 10ಸಾವಿರ ಖರ್ಚಾಗಿದೆ. ಈ ನಡುವೆ, ದಿಢೀರನೆ ಬೆಲೆ ಕುಸಿದಿರುವುದು ಅವರನ್ನು ಆತಂಕಕ್ಕೆ ದೂಡಿದೆ. ಬೆಳೆಗಳು ಬರುವುದಕ್ಕೆ ಮುಂಚೆ ಹೆಚ್ಚಿನ ಬೆಲೆ ಇದ್ದು, ಬೆಳೆ ಬಂದ ತಕ್ಷಣ ದಿಢೀರ್ ಕುಸಿತ ಮಾಡಿಸುವ ವ್ಯಾಪಾರಿಗಳ ಕುತಂತ್ರವನ್ನು ಸರ್ಕಾರ ನಿರ್ಬಂಧಿಸಬೇಕು’ ಎಂದು ಒತ್ತಾಯಿಸಿದರು.

‘ರೈತರ ಉತ್ಪನ್ನಗಳಿಗೆ ಉತ್ತಮ ಬೆಲೆ ಸಿಗುವಂತೆ ಮಾಡಬೇಕು. ಈ ನಿಟ್ಟಿನಲ್ಲಿ ಸರ್ಕಾರವು ಕೂಡಲೇ ಕ್ರಮ ವಹಿಸದಿದ್ದರೆ ಹೋರಾಟ ತೀವ್ರಗೊಳಿಸಬೇಕಾಗುತ್ತದೆ’ ಎಂದು ಎಚ್ಚರಿಕೆ ನೀಡಿದರು.