ಬೆಳಗಾವಿ: ಲೋಕಸಭಾ ಚುನಾವಣೆಯಲ್ಲಿ ಮತ ಚಲಾಯಿಸಿದವರಿಗೆ ರಿಯಾಯಿತಿ ದರದಲ್ಲಿ ಚಿಕಿತ್ಸೆ ನೀಡುವುದಾಗಿ ಇಲ್ಲಿನ ಎರಡು ಆಸ್ಪತ್ರೆಗಳು ತಿಳಿಸಿವೆ.
3ನೇ ರೈಲು ಗೇಟ್ ಬಳಿಯ ವೇಣುಗ್ರಾಮ ಆಸ್ಪತ್ರೆಯವರು, ಮೇ ಅಂತ್ಯದವರೆಗೆ ಡಯೋಗ್ನಾಸ್ಟಿಕ್ ಹಾಗೂ ಮಾಸ್ಟರ್ ಹೆಲ್ತ್ಚೆಕ್ ಮೇಲೆ ಶೇ 10ರಷ್ಟು ರಿಯಾಯಿತಿ ನೀಡಲಾಗುವುದು ಎಂದು ತಿಳಿಸಿದ್ದಾರೆ.
ಕುಲಕರ್ಣಿ ಗಲ್ಲಿಯ ಖೇಮಲಾಪುರೆ ಆಸ್ಪತ್ರೆಯಲ್ಲಿ ಕಿವಿ, ಮೂಗು, ಗಂಟಲು ಮತ್ತು ಹಲ್ಲುಗಳ ಉಚಿತ ತಪಾಸಣೆ ಮಾಡಲಾಗುವುದು. ಶೇ 15ರಷ್ಟು ರಿಯಾಯಿತಿ ದರದಲ್ಲಿ ಚಿಕಿತ್ಸೆ ನೀಡಲಾಗುವುದು. ಹೆಚ್ಚಿನ ಮಾಹಿತಿಗೆ ಮೊ:9902001438 ಸಂಪರ್ಕಿಸಬಹುದು ಎಂದು ಪ್ರಕಟಣೆ ತಿಳಿಸಿದೆ.