ಹುಕ್ಕೇರಿ: ತಾಲ್ಲೂಕಿನ ಹಿಡಕಲ್ ಡ್ಯಾಂನ ಶಿವಾಲಯ ಮಂದಿರದಲ್ಲಿ ಗುರುವಾರ ಜಿ. ರಾಘವೇಂದ್ರಮಯ್ಯ ಮತ್ತು ಕೋಡಿ ವಿಶ್ವನಾಥ ಗಾಣಿಗ ಅವರ ಸಾರಥ್ಯದ ಮಹಾಗಣಪತಿ ಪ್ರವಾಸಿ ಯಕ್ಷಗಾನ ಮಂಡಳಿ (ರಿ) ಹಾಲಾಡಿ (ತಾ.ಕುಂದಾಪೂರ) ಅವರಿಂದ ಯಕ್ಷಗಾನ ಪ್ರದರ್ಶನ ಜರುಗಿತು.
ಯಕ್ಷಗಾನ ಕಲಾವಿದರು ಮಾರ್ಮಿಕವಾಗಿ ಲವಕುಶ, ಕವಿರತ್ನ ಕಾಳಿದಾಸರ ಪೌರಾಣಿಕ ಪ್ರಸಂಗ ಪ್ರದರ್ಶಿಸಿ ಪ್ರೇಕ್ಷಕರ ಮನ ಸೆಳೆದರು.
ಎಚ್ ಕರುಣಾಕರ ಶೆಟ್ಟಿ, ಚಂದ್ರಶೇಖರ ಗಣಾಚಾರಿ, ಹಿರಿಯ ಸಾಹಿತಿಗಳಾದ ಕಾ.ಹೊ. ಶಿಂದೆ, ಎಸ್.ಎಂ. ಶಿರೂರು ಮತ್ತು ಆರ್. ಕರುಣಾ ಶೆಟ್ಟಿ, ಹುಕ್ಕೇರಿ ಹೋಟೆಲ್ ಸಂಘದ ಅಧ್ಯಕ್ಷ ಸುಧಾಕರ್ ಶೆಟ್ಟಿ, ಯಕ್ಷಗಾನ ಮೇಳದ ವ್ಯವಸ್ಥಾಪಕ ರಾಘವೇಂದ್ರಮಯ್ಯ, ಯಕ್ಷಗಾನ ಸಂಘಟಕ ಉದಯ್ ಶೆಟ್ಟಿ, ವಿಜಯ ಶೆಟ್ಟಿ, ಗಣೇಶ್ ಪೂಜಾರಿ, ಚಂದ್ರ ಶೆಟ್ಟಿ, ಶ್ರೀಧರ ನಾಯಿಕ, ಮಲ್ಲು ಸಾರವಾಡಿ ಇದ್ದರು.
