ಗಣೇಶ ವಿಸರ್ಜನೆ ಮೆರವಣಿಗೆಯಲ್ಲಿ ಟ್ರ್ಯಾಕ್ಟರ್ ಓಡಿಸಿದ ಆನಂದ್ ಸಿಂಗ್‌

7

ಗಣೇಶ ವಿಸರ್ಜನೆ ಮೆರವಣಿಗೆಯಲ್ಲಿ ಟ್ರ್ಯಾಕ್ಟರ್ ಓಡಿಸಿದ ಆನಂದ್ ಸಿಂಗ್‌

Published:
Updated:
Deccan Herald

ಹೊಸಪೇಟೆ: ಗಣೇಶನ ಪ್ರತಿಮೆಗಳ ವಿಸರ್ಜನೆಯ ಪ್ರಯುಕ್ತ ಶನಿವಾರ ಸಂಜೆ ಇಲ್ಲಿ ನಡೆದ ಮೆರವಣಿಗೆಯಲ್ಲಿ ಶಾಸಕ ಆನಂದ್ ಸಿಂಗ್ ಅವರು ಟ್ರ್ಯಾಕ್ಟರ್ ಓಡಿಸಿ, ಗಮನ ಸೆಳೆದರು.

ಏಕದಂತ ಮಿತ್ರವೃಂದ ಮಂಡಳಿಯಿಂದ ಇಲ್ಲಿನ ರಾಣಿಪೇಟೆಯಲ್ಲಿ ಪ್ರತಿಷ್ಠಾಪಿಸಿದ್ದ ಗಣಪನ ಪ್ರತಿಮೆಯ ಮೆರವಣಿಗೆ ಸಂಜೆ ನಡೆಯಿತು. ಈ ವೇಳೆ ಗಜಾನನ ಪ್ರತಿಮೆಯಿರುವ ಅಲಂಕರಿಸಿದ ಟ್ರ್ಯಾಕ್ಟರ್‌ ಏರಿದ ಆನಂದ್‌ ಸಿಂಗ್‌, ಸ್ವತಃ ಅವರೇ ಅದನ್ನು ಚಲಾಯಿಸಿದರು.

ಇದನ್ನು ನೋಡುತ್ತಿದ್ದಂತೆ ಅಲ್ಲಿದ್ದ ಮಂಡಳಿಯ ಯುವಕರು ಶಿಳ್ಳೆ ಹೊಡೆದು, ಕೇಕೆ ಹಾಕಿದರು. ಕೆಲವರು ಮೊಬೈಲ್‌ನಲ್ಲಿ ಅವರ ಛಾಯಾಚಿತ್ರ ಸೆರೆ ಹಿಡಿದರು. ಮತ್ತೆ ಕೆಲವರು ಟ್ರ್ಯಾಕ್ಟರ್‌ ಹತ್ತಿ, ಅವರೊಂದಿಗೆ ಸೆಲ್ಫಿ ತೆಗೆದುಕೊಂಡರು.

ಟ್ರ್ಯಾಕ್ಟರ್‌ ಓಡಿಸುತ್ತ ಆನಂದ್‌ ಸಿಂಗ್‌ ಜನರತ್ತ ಕೈಬೀಸುತ್ತಿದ್ದರು. ಅವರ ಬದಿಯಲ್ಲಿ ನಗರಸಭೆ ಅಧ್ಯಕ್ಷ ಗುಜ್ಜಲ್‌ ನಿಂಗಪ್ಪ, ಸದಸ್ಯ ಅಂಜಿನಿ ಇದ್ದರು.

ಮೆರವಣಿಗೆಯಲ್ಲಿ ವಿವಿಧ ಕಲಾ ತಂಡಗಳು ಪಾಲ್ಗೊಂಡಿದ್ದವು. ಯುವತಿಯರು ಹೆಜ್ಜೆ ಹಾಕಿ ಗಮನ ಸೆಳೆದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !