ಹೊನಲು ಬೆಳಕಿನ ಬ್ಯಾಸ್ಕೆಟ್‌ಬಾಲ್‌ ಟೂರ್ನಿ ಆರಂಭ

7

ಹೊನಲು ಬೆಳಕಿನ ಬ್ಯಾಸ್ಕೆಟ್‌ಬಾಲ್‌ ಟೂರ್ನಿ ಆರಂಭ

Published:
Updated:
Deccan Herald

ಹೊಸಪೇಟೆ: ಪುರುಷ ಮತ್ತು ಮಹಿಳೆಯರ ರಾಜ್ಯಮಟ್ಟದ ಅಂತರ ಕಾಲೇಜು ಹೊನಲು–ಬೆಳಕಿನ ಬ್ಯಾಸ್ಕೆಟ್‌ಬಾಲ್‌ ಪಂದ್ಯಾವಳಿ ಸೋಮವಾರ ನಗರದ ತಾಲ್ಲೂಕು ಕ್ರೀಡಾಂಗಣದಲ್ಲಿ ಆರಂಭಗೊಂಡಿತು.

ಪುರುಷರ ವಿಭಾಗದಲ್ಲಿ ವಿಜಯಪುರದ ಬಿ.ಎಲ್‌.ಡಿ., ಹುಬ್ಬಳ್ಳಿಯ ಫಾತಿಮಾ ಕಾಲೇಜು ತಂಡ, ದಾವಣಗೆರೆ ಎ.ವಿ.ಕೆ. ತಂಡ, ಮುನ್ಸಿಪಲ್‌ ಕಾಲೇಜು ಬಳ್ಳಾರಿ, ಧಾರವಾಡದ ಕೆ.ಸಿ.ಡಿ.ಎ., ನಗರದ ರೋಸ್‌ಬಡ್‌, ತಾಲ್ಲೂಕು ಕ್ರೀಡಾಂಗಣ ತಂಡ, ಮಾತಾ ಪದವಿ ಕಾಲೇಜಿನ ‘ಎ’ ಮತ್ತು ‘ಬಿ’ ತಂಡಗಳು ಪ್ರಶಸ್ತಿಗಾಗಿ ಸೆಣಸಲಿವೆ.

ಮಹಿಳೆಯರ ವಿಭಾಗದಲ್ಲಿ ವಿಜಯಪುರದ ಬಸವೇಶ್ವರ ಕಾಲೇಜು, ದಾವಣಗೆರೆಯ ಎ.ವಿ.ಕೆ. ಕಾಲೇಜು, ನಗರದ ತಾಲ್ಲೂಕು ಕ್ರೀಡಾಂಗಣ ತಂಡ, ಮಾತಾ ಪದವಿ ಕಾಲೇಜು ತಂಡಗಳು ಪಾಲ್ಗೊಂಡಿವೆ.

ವಿಜೇತ ತಂಡಕ್ಕೆ ₹10 ಸಾವಿರ ನಗದು, ಟ್ರೋಫಿ ಇದೆ. ರನ್ನರ್‌ ಅಪ್‌ ತಂಡಕ್ಕೆ ₨5 ಸಾವಿರ ನಗದು, ಟ್ರೋಫಿ ಇದೆ. ಸಂಜೆ ಮಹಿಳೆಯರ ವಿಭಾಗದಲ್ಲಿ ನಗರದ ತಾಲ್ಲೂಕು ಕ್ರೀಡಾಂಗಣ ಮತ್ತು ಮಾತಾ ‘ಎ’ ಕಾಲೇಜು ತಂಡ, ಪುರುಷರ ವಿಭಾಗದಲ್ಲಿ ಮಾತಾ ‘ಎ’ ತಂಡ ಹಾಗೂ ದಾವಣಗೆರೆ ಬಿ.ಐ.ಇ.ಟಿ. ಕಾಲೇಜು ತಂಡಗಳ ನಡುವೆ ಲೀಗ ಹಂತದ ಪಂದ್ಯಗಳೊಂದಿಗೆ ಪಂದ್ಯಾವಳಿ ಶುರುವಾಯಿತು.

ಇದಕ್ಕೂ ಮುನ್ನ ನಡೆದ ಪಂದ್ಯಾವಳಿಗೆ ಕಾಂಗ್ರೆಸ್‌ ಮುಖಂಡ ಸಂದೀಪ್‌ ಸಿಂಗ್‌ ಚಾಲನೆ ನೀಡಿದರು. ಬ್ಯಾಸ್ಕೆಟ್‌ಬಾಲ್‌ ತರಬೇತುದಾರ ಕಲೀಂ, ಅಥ್ಲೀಟ್‌ ತರಬೇತುದಾರ ರೋಹಿಣಿ, , ರಾಜೇಶ್‌, ಗಂಗಾಧರ, ರಾಹುಲ್‌, ಚೇತನ್‌, ಅಮಿತ್‌, ಗಣಿ ಲಾರಿ ಮಾಲೀಕರ ಸಂಘದ ತಾಲ್ಲೂಕು ಅಧ್ಯಕ್ಷ ಮಹೇಶ್‌ ಕುಮಾರ್‌ ಇದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !