ತಾಲ್ಲೂಕಿನ ಕಮಲಾಪುರ ಕೆರೆ, ಅಳ್ಳಿಕೆರೆ, ಡಣಾಯನಕೆರೆಯಲ್ಲಿ ನೀರಿನ ಸಂಗ್ರಹ ಕಡಿಮೆಯಾಗಿ ಬತ್ತುವ ಸ್ಥಿತಿಗೆ ಬಂದಿವೆ. ಇದೇ ಸಂದರ್ಭಕ್ಕಾಗಿ ಕಾಯುತ್ತಿದ್ದ ನೂರಾರು ಪಕ್ಷಿಗಳು ಈ ಕೆರೆಗಳಿಗೆ ಲಗ್ಗೆ ಇಟ್ಟಿವೆ. ಬಿಳಿ ಕತ್ತಿನ ಕೊಕ್ಕರೆ, ನೀರು ಕಾಗೆ, ಬೂದು ಬಕಾ, ದಾಸ ಕೊಕ್ಕರೆ, ತೆರೆದ ಕೊಕ್ಕಿನ ಕೊಕ್ಕರೆ, ಚಮಚ ಕೊಕ್ಕು, ಬಿಳಿನಾಮದ ನೀರು ಕೋಳಿ, ಚುಕ್ಕೆ ಬಾತುಕೋಳಿ, ಶಿಳ್ಳೆಬಾತು, ಕೆನ್ನೀಲಿ ಬಕ, ಕೊಳದ ಬಕ, ನಾಲ್ಕು ಜಾತಿಯ ಬೆಳ್ಳಕ್ಕಿಗಳು, 50 ಬಗೆಯ ಜಲಪಕ್ಷಿಗಳು ಕೆರೆಯ ಅಂಗಳವನ್ನು ಆಕ್ರಮಿಸಿಕೊಂಡಿವೆ.