ಮುಖ್ಯರಸ್ತೆಗೆ ನಟ ರಾಜಕುಮಾರ ಹೆಸರಿಡಲು ಆರ್ಯ ಈಡಿಗ ಸೇವಾ ಟ್ರಸ್ಟ್‌ ಒತ್ತಾಯ

7

ಮುಖ್ಯರಸ್ತೆಗೆ ನಟ ರಾಜಕುಮಾರ ಹೆಸರಿಡಲು ಆರ್ಯ ಈಡಿಗ ಸೇವಾ ಟ್ರಸ್ಟ್‌ ಒತ್ತಾಯ

Published:
Updated:
Deccan Herald

ಹೊಸಪೇಟೆ: ನಗರದ ಮುಖ್ಯರಸ್ತೆಗೆ ನಟ ಡಾ. ರಾಜಕುಮಾರ ಅವರ ಹೆಸರಿಡಬೇಕೆಂದು ಆಗ್ರಹಿಸಿ ತಾಲ್ಲೂಕು ಆರ್ಯ ಈಡಿಗ ಸೇವಾ ಟ್ರಸ್ಟ್‌ ಕಾರ್ಯಕರ್ತರು ಗುರುವಾರ ಇಲ್ಲಿನ ನಗರಸಭೆ ಕಚೇರಿ ಎದುರು ಪ್ರತಿಭಟನೆ ನಡೆಸಿದರು.

ನಂತರ ನಗರಸಭೆ ಪೌರಾಯುಕ್ತ ವಿ. ರಮೇಶ್‌ ಅವರಿಗೆ ಮನವಿ ಪತ್ರ ಸಲ್ಲಿಸಿದರು. ನಗರದ ಉದ್ಯೋಗ ಪೆಟ್ರೋಲ್‌ ಬಂಕ್‌ನಿಂದ ಸ್ಟೇಶನ್‌ ರಸ್ತೆಯ ಕನಕದಾಸ ವರೆಗಿನ ಮುಖ್ಯರಸ್ತೆಗೆ ರಾಜಕುಮಾರ ಅವರ ಹೆಸರಿಡುವ ಮೂಲಕ ಅವರಿಗೆ ಗೌರವ ಸಲ್ಲಿಸಬೇಕು ಎಂದು ಮನವಿಯಲ್ಲಿ ಒತ್ತಾಯಿಸಿದ್ದಾರೆ.

‘ರಾಜಕುಮಾರ ಅವರು ಸಾಮಾಜಿಕ ಕಾಳಜಿ, ಪೌರಾಣಿಕ ಹಿನ್ನೆಲೆ ಸೇರಿದಂತೆ ಅನೇಕ ಬಗೆಯ ಪಾತ್ರಗಳಲ್ಲಿ ನಟಿಸಿ ಜನಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ಕೃಷ್ಣದೇವರಾಯನ ಪಾತ್ರ ನಿರ್ವಹಿಸಿ ಎಲ್ಲರ ಪ್ರಶಂಸೆಗೆ ಪಾತ್ರರಾಗಿದ್ದರು. ಇದೇ ತಾಲ್ಲೂಕಿನಲ್ಲಿ ವಿಜಯನಗರ ಸಾಮ್ರಾಜ್ಯದ ಕುರುಹುಗಳು ಇರುವುದರಿಂದ ಮುಖ್ಯರಸ್ತೆಗೆ ರಾಜಕುಮಾರ ಅವರ ಹೆಸರಿಟ್ಟರೆ ದೊಡ್ಡ ಗೌರವ ಸಲ್ಲಿಸಿದಂತಾಗುತ್ತದೆ’ ಎಂದು ವಿವರಿಸಿದ್ದಾರೆ.

ಟ್ರಸ್ಟ್‌ ಅಧ್ಯಕ್ಷ ಎ.ಆರ್‌. ರಂಗನಗೌಡ, ಕಾರ್ಯದರ್ಶಿ ಈ. ಕುಮಾರಸ್ವಾಮಿ, ಸದಸ್ಯರಾದ ಈ. ಅಶೋಕ, ರವಿಕುಮಾರ, ಅವಿನಾಶ, ಬಿ.ಇ. ಪರಶುರಾಮ ಹಾಗೂ ಹುಲುಗಪ್ಪ ಇದ್ದರು.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !