ಸೇವಾಸಿಂಧು: ಬಳ್ಳಾರಿಗೆ 3ನೇ ಸ್ಥಾನ

7
ಇದುವರೆಗೆ 51,120 ಅರ್ಜಿಗಳ ವಿಲೇವಾರಿ

ಸೇವಾಸಿಂಧು: ಬಳ್ಳಾರಿಗೆ 3ನೇ ಸ್ಥಾನ

Published:
Updated:

ಬಳ್ಳಾರಿ: ವಿವಿಧ ಇಲಾಖೆಗಳ ಸೇವೆಯನ್ನು ಗ್ರಾಹಕರ ಮನೆಬಾಗಿಲಿಗೆ ಆನ್‌ಲೈನ್‌ ಮೂಲಕ ತಲುಪಿಸುವ ಸೇವಾ ಸಿಂಧು (ಇ–-ಜಿಲ್ಲೆ) ಯೋಜನೆಯಲ್ಲಿ ಬಳ್ಳಾರಿಯು ರಾಜ್ಯದಲ್ಲಿ 3ನೇ ಸ್ಥಾನ ಪಡೆದಿದೆ.

ಸೇವೆಗಳು ಡಿಜಿಟಲ್ ಇಂಡಿಯಾ ಅಡಿಯಲ್ಲಿ ಸ್ಥಾಪಿತವಾದ ಸಿಎಸ್‌ಸಿ (ಕಾಮನ್‌ ಸರ್ವಿಸ್‌ ಸೆಂಟರ್‌–ಸಾಮನ್ಯ ಸೇವಾ ಕೇಂದ್ರ) ಕೇಂದ್ರದಲ್ಲಿ ದೊರೆಯುತ್ತಿವೆ ಎಂದು ಹೆಚ್ಚುವರಿ ಜಿಲ್ಲಾಧಿಕಾರಿ ಎಸ್‌ಜೆ.ಸೋಮಶೇಖರ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

‘ವಿವಿಧ ಇಲಾಖೆಗಳ ಮೂಲಕ ನೀಡುತ್ತಿರುವ 346 ಸೇವೆಗಳನ್ನು ವಿಲೀನಗೊಳಿಸಲು ತೀರ್ಮಾನಿಸಿ ಪ್ರಸ್ತುತ 47 ಸೇವೆಗಳನ್ನು ನೀಡಲಾಗುತ್ತಿದೆ’ ಎಂದಿದ್ದಾರೆ.

ಸೇವೆಗಳು: ಕಂದಾಯ ಇಲಾಖೆಯಲ್ಲಿ ವಿವಿಧ ಪ್ರಮಾಣಪತ್ರಗಳ ವಿತರಣೆ, ಆಹಾರ ಇಲಾಖೆಯಲ್ಲಿ ಪಡಿತರ ಚೀಟಿಯಲ್ಲಿ ಹೆಸರು ಸೇರ್ಪಡೆ, ಎಪಿಎಲ್, ಬಿಪಿಎಲ್ ಮತ್ತು ಅಂತ್ಯೋದಯ ಕಾರ್ಡ ತಿದ್ದುಪಡಿ, ಪಡಿತರ ಚೀಟಿಗೆ ಸೇರ್ಪಡೆ, ಹೊಸ ಪಡಿತರ ಚೀಟಿಗೆ ಅರ್ಜಿ ಸಲ್ಲಿಕೆ. ಸಾರಿಗೆ ಇಲಾಖೆಯಲ್ಲಿ ವಾಹನಗಳ ನೊಂದಣಿ, ಔಷದ ನಿಯಂತ್ರಣ ಇಲಾಖೆಯಲ್ಲಿ -ಫಾರ್ಮಸ್ಟಿಸ್ ನೊಂದಣಿಯಲ್ಲಿ ಬದಲಾವಣೆ, ಹೆಸರು ಸೇರ್ಪಡೆ ಹಾಗೂ ತೆಗೆದು ಹಾಕುವುದು, ಮಾರಾಟದ ಹೊಸ ಪರವಾನಗಿ, ಹೆಸರು ಬದಲಾವಣೆ, ಮಾರಾಟ ಪರವಾನಗಿ ನವೀಕರಣ, ಸ್ಥಳ ಬದಲಾವಣೆ, ವಾಣಿಜ್ಯ ತೆರಿಗೆ ಇಲಾಖೆಯಲ್ಲಿ ತೆರಿಗೆ ನೊಂದಣಿ.

ಹೆಚ್ಚಿನ ಮಾಹಿತಿಗಾಗಿ ಜಿಲ್ಲಾಧಿಕಾರಿ ಕಚೇರಿಯಲ್ಲಿರುವ ಇ–-ಆಡಳಿತ ಜಿಲ್ಲಾ ಯೋಜನಾ ವ್ಯವಸ್ಥಾಪಕ ಮಹ್ಮದ್ ಇಸ್ಮಾಯಿಲ್ ಅವರನ್ನು ಸಂಪರ್ಕಿಸಬಹುದು: 8123292899 

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !