ಹೊಸಪೇಟೆ: ತಾಲ್ಲೂಕಿನ ಹಂಪಿ ವಿರೂಪಾಕ್ಷೇಶ್ವರ ದೇಗುಲದ ಹುಂಡಿ ಹಣ ಎಣಿಕೆ ಸಂದರ್ಭದಲ್ಲಿ ₨500, ₨1,000 ಮುಖಬೆಲೆಯ ಹಳೆಯ ನೋಟುಗಳು ಶನಿವಾರ ಪತ್ತೆಯಾಗಿವೆ.
ಐದು ನೂರು ಮುಖಬೆಲೆಯ ಹತ್ತು ನೋಟುಗಳು, ಸಾವಿರ ಮುಖಬೆಲೆಯ ಎರಡು ನೋಟುಗಳನ್ನು ಭಕ್ತರು ಹುಂಡಿಗೆ ಹಾಕಿ ಹೋಗಿದ್ದಾರೆ. ₨10ರ ಒಂದು ಕಾಯಿನ್, ನಾಲ್ಕು ಡಾಲರ್ ಕೂಡ ಹಾಕಿದ್ದಾರೆ.
ಮಾರ್ಚ್ನಲ್ಲಿ ಹುಂಡಿ ಹಣ ಎಣಿಕೆ ವೇಳೆ ಎಂಟುವರೆ ಸಾವಿರ ಹಳೆಯ ನೋಟುಗಳು ಪತ್ತೆಯಾಗಿದ್ದವು. ಹಳೆಯ ನೋಟುಗಳನ್ನು ರದ್ದುಪಡಿಸಿ ಎರಡು ವರ್ಷಗಳಾಗುತ್ತ ಬಂದರೂ ಭಕ್ತರು ಹುಂಡಿಯಲ್ಲಿ ಅವುಗಳನ್ನು ಹಾಕಿ ಹೋಗುವುದು ಮುಂದುವರಿದಿದೆ.