ಹೊಸಪೇಟೆ: ತಾಲ್ಲೂಕುಮಟ್ಟದ ಪ್ರಾಥಮಿಕ ಶಾಲಾ ಕ್ರೀಡಾಕೂಟ ಆರಂಭ

7

ಹೊಸಪೇಟೆ: ತಾಲ್ಲೂಕುಮಟ್ಟದ ಪ್ರಾಥಮಿಕ ಶಾಲಾ ಕ್ರೀಡಾಕೂಟ ಆರಂಭ

Published:
Updated:
Deccan Herald

ಹೊಸಪೇಟೆ: ಎರಡು ದಿನಗಳ ತಾಲ್ಲೂಕು ಮಟ್ಟದ ಹಿರಿಯ ಪ್ರಾಥಮಿಕ ಶಾಲಾ ಕ್ರೀಡಾಕೂಟಕ್ಕೆ ಶುಕ್ರವಾರ ನಗರದ ಮುನ್ಸಿಪಲ್‌ ಮೈದಾನದಲ್ಲಿ ತಾಲ್ಲೂಕು ಪಂಚಾಯಿತಿ ಅಧ್ಯಕ್ಷೆ ಜೋಗದ ನೀಲಮ್ಮ ಚಾಲನೆ ನೀಡಿದರು.

ತಾಲ್ಲೂಕಿನ ಒಂಬತ್ತು ವಲಯ ವ್ಯಾಪ್ತಿ ಶಾಲೆಗಳ 1,500ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಪಾಲ್ಗೊಂಡಿದ್ದಾರೆ. ಕಬಡ್ಡಿ, ವಾಲಿಬಾಲ್‌, ಥ್ರೋಬಾಲ್‌, ಕೋ ಕೋ, ಓಟದ ಸ್ಪರ್ಧೆ, ಡಿಸ್ಕಸ್‌ ಎಸೆತ, ಉದ್ದ ಜಿಗಿತ, ಎತ್ತರ ಜಿಗಿತ, ಗುಂಡು ಎಸೆತ ಸ್ಪರ್ಧೆಗಳನ್ನು ಆಯೋಜಿಸಲಾಗಿತ್ತು.

ಕಾರ್ಯಕ್ರಮದ ನಂತರ ನಡೆದ 600 ಮೀಟರ್‌ ಓಟದ ಸ್ಪರ್ಧೆಯಲ್ಲಿ ಕಲ್ಲಹಳ್ಳಿ ಶಾಲೆಯ ಲಕ್ಷ್ಮಿಬಾಯಿ ಪ್ರಥಮ, ಗಾದಿಗನೂರು ಶಾಲೆಯ ಗಾಯತ್ರಿ ದ್ವಿತೀಯ ಹಾಗೂ ಅದೇ ಗ್ರಾಮದ ಕೆ. ಪುಷ್ಪಾ ತೃತೀಯ ಸ್ಥಾನ ಪಡೆದರು.

ಬಾಲಕರ ವಿಭಾಗದಲ್ಲಿ ಕಲ್ಲಹಳ್ಳಿಯ ನಾಗಾ ನಾಯ್ಕ ಪ್ರಥಮ, ಸೋಮಪ್ಪ ಕ್ಯಾಂಪಿನ ಬಿ. ನೇಟಕಲ್ಲ ದ್ವಿತೀಯ ಹಾಗೂ ಡಿ.ಬಿ. ಡ್ಯಾಂನ ರಾಜ ತೃತೀಯ ಬಹುಮಾನ ಗಳಿಸಿದರು.

ನಗರಸಭೆ ಅಧ್ಯಕ್ಷ ಗುಜ್ಜಲ್‌ ನಿಂಗಪ್ಪ, ಸದಸ್ಯರಾದ ಎ. ಬಸವರಾಜ, ಕೆ. ಬಡಾವಲಿ, ಗೌಸ್‌, ತಾಲ್ಲೂಕು ಪಂಚಾಯಿತಿ ಉಪಾಧ್ಯಕ್ಷ ಶಿವಮೂರ್ತಿ, ಅಂಜುಮನ್‌ ಕಮಿಟಿ ಅಧ್ಯಕ್ಷ ಅಬ್ದುಲ್‌ ಖಾದರ್‌ ರಫಾಯ್‌, ಕ್ಷೇತ್ರ ಶಿಕ್ಷಣಾಧಿಕಾರಿ ಎಲ್‌.ಡಿ. ಜೋಶಿ, ದೈಹಿಕ ಶಿಕ್ಷಣ ಪರಿವೀಕ್ಷಕ ಬಸವರಾಜ ಜತ್ತಿ, ತಾಲ್ಲೂಕು ಕ್ರೀಡಾ ಸಮಿತಿಯ ಸಂಘಟಕ ಬಿ. ಚಂದ್ರಶೇಖರ್‌ ಇದ್ದರು.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !