ದೇವಿಪ್ರಸಾದ್‌, ಜ್ಯೋತಿ, ದೀಕ್ಷಿತಾ ಚಾಂಪಿಯನ್‌

7
ಪದವಿಪೂರ್ವ ಕಾಲೇಜು ಜಿಲ್ಲಾಮಟ್ಟದ ಕ್ರೀಡಾಕೂಟ ಸಮಾರೋಪ

ದೇವಿಪ್ರಸಾದ್‌, ಜ್ಯೋತಿ, ದೀಕ್ಷಿತಾ ಚಾಂಪಿಯನ್‌

Published:
Updated:
Deccan Herald

 ಬಳ್ಳಾರಿ: ಇಲ್ಲಿ ಶುಕ್ರವಾರ ಮುಕ್ತಾಯವಾದ ಪದವಿಪೂರ್ವ ಕಾಲೇಜುಗಳ ಜಿಲ್ಲಾ ಮಟ್ಟದ ಕ್ರೀಡಾಕೂಟದ ಬಾಲಕಿಯರ ವಿಭಾಗದಲ್ಲಿ ನಗರದ ಬಾಲಕಿಯರ ಸರ್ಕಾರಿ ಕಾಲೇಜಿನ ಜ್ಯೋತಿ, ನಾರಾಯಣ ಕಾಲೇಜಿನ ದೀಕ್ಷಿತಾ ಹಾಗೂ ನಂದಿ ಕಾಲೇಜಿನ ದೇವಿಪ್ರಸಾದ್‌ ಚಾಂಪಿಯನ್‌ ಆಗಿ ಹೊರಹೊಮ್ಮಿದರು.

ದೇವಿ ಪ್ರಸಾದ್‌ 100 ಮೀಟರ್ಸ್‌ ಮತ್ತು 200 ಮೀಟರ್ಸ್‌ ಓಟದಲ್ಲಿ ಪ್ರಥಮ ಹಾಗೂ 110 ಮೀಟರ್ಸ್‌ ಹರ್ಡಲ್ಸ್‌ನಲ್ಲಿ ದ್ವಿತೀಯ ಸ್ಥಾನ ಪಡೆದು ಚಾಂಪಿಯನ್‌ ಆದರು.

ಜ್ಯೋತಿ 200 ಮೀಟರ್ಸ್‌ ಮತ್ತು 400 ಮೀಟರ್ಸ್‌ನಲ್ಲಿ ಪ್ರಥಮ ಹಾಗೂ ಉದ್ದ ಜಿಗಿತದಲ್ಲಿ ದ್ವಿತೀಯ ಸ್ಥಾನ ಪಡೆದರೆ, ದೀಕ್ಷಿತಾ 100 ಮೀಟರ್ಸ್‌ ಓಟ ಮತ್ತು ಉದ್ದ ಜಿಗಿತದಲ್ಲಿ ಪ್ರಥಮ ಹಾಗೂ 200 ಮೀಟರ್ಸ್‌ನಲ್ಲಿ ದ್ವಿತೀಯ ಸ್ಥಾನ ಪಡೆದರು.

ಶುಕ್ರವಾರ ಬೆಳಿಗ್ಗೆ ನಡೆದ 6 ಕಿ.ಮೀ ಗುಡ್ಡಗಾಡು ಓಟದ ಸ್ಪರ್ಧೆಯಲ್ಲಿ ಸಿರುಗುಪ್ಪ ಎಸ್‌ಬಿಎಂ ಕಾಲೇಜಿನ ಪುರುಷೋತ್ತಮ ಮೊದಲು ಗುರಿ ಮುಟ್ಟಿದರೆ, ಪ್ಯೂಪಿಲ್‌ ಟ್ರೀ ಕಾಲೇಜಿನ ವಿ.ಸುನೀಲ್‌ಕುಮಾರ್‌ ದ್ವಿತೀಯ ಸ್ಥಾನ ಗಳಿಸಿದರು. ಹೊಸಪೇಟೆಯ ಮಾಜಿ ಪುರಸಭೆ ಕಾಲೇಜಿನ ಮಂಜುನಾಥ್‌, ಕೂಡ್ಲಿಗಿಯ ಎಚ್‌ಎಂವಿ ಕಾಲೇಜಿನ ಬಿ.ನಾಗರಾಜ್‌, ನಂದಿ ಕಾಲೇಜಿನ ಸಂತೋಷ ನಾಯ್ಕ ಮತ್ತು ಸಿರುಗುಪ್ಪದ ವಿಕೆಜಿ ಕಾಲೇಜಿನ ಎನ್‌.ಅಂಕಿತ ನಂತರದ ಸ್ಥಾನಗಳನ್ನು ಗಳಿಸಿದರು.

ಬಾಲಕಿಯರ ಕಾಲೇಜು: 4*100 ಮೀಟರ್ಸ್‌ ರಿಲೇನಲ್ಲಿ ನಗರದ ಬಾಲಕಿಯರ ಸರ್ಕಾರಿ ಕಾಲೇಜಿನ ಜ್ಯೋತಿ, ಬಿ.ಅಶ್ವಿನಿ, ಡಿ.ಪ್ರಮೀಳಾ ಮತ್ತು ಕೆ.ಲಿಖಿತಾ ಬಾಯಿ ಮೊದಲ ಸ್ಥಾನ ಗಳಿಸಿದರು. ಎತ್ತರ ಜಿಗಿತದಲ್ಲಿ ಅದೇ ಕಾಲೇಜಿನ ರುಬಿಯಾ ಮತ್ತು 3 ಕಿ.ಮೀ ನಡಿಗೆ ಸ್ಪರ್ಧೆಯಲ್ಲಿ ಕವಿತಾ ಮೊದಲ ಸ್ಥಾನ ಗಳಿಸಿದರು.

3 ಕಿ.ಮೀ ಓಟದ ಸ್ಪರ್ಧೆಯಲ್ಲಿ ಹೊಸಪೇಟೆಯ ವಿಎನ್‌ಸಿ ಕಾಲೇಜಿನ ಗಂಗಮ್ಮ ಮೊದಲು ಗುರಿ ಮುಟ್ಟಿದರು. ನಗರದ ಬಾಲಕಿಯರ ಕಾಲೇಜಿನ ಶಶಿರೇಖಾ ದ್ವಿತೀಯ, ವಿಎನ್‌.ಸಿ ಕಾಲೇಜಿನ ಶಿಲ್ಪ ಮೂರನೇ ಸ್ಥಾನ ಪಡೆದರು.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !