ತುಂಗಭದ್ರಾ ನದಿ ನೀರಿನಲ್ಲಿ ಕೊಚ್ಚಿಹೋದ ತಂದೆ, ಮಗ, ಜೋಡೆತ್ತು

7

ತುಂಗಭದ್ರಾ ನದಿ ನೀರಿನಲ್ಲಿ ಕೊಚ್ಚಿಹೋದ ತಂದೆ, ಮಗ, ಜೋಡೆತ್ತು

Published:
Updated:

ಬಳ್ಳಾರಿ: ಜಿಲ್ಲೆಯ ಸಿರುಗುಪ್ಪದ ಬಾಗೇವಾಡಿ ಗ್ರಾಮದ‌ ತುಂಗಭದ್ರಾ ನದಿಯಲ್ಲಿ ತಂದೆ ಮಗ ಕೊಚ್ಚಿಹೋಗಿದ್ದಾರೆ. ಐವರು ಮರಳು ತುಂಬಲು ಹೋಗಿದ್ದ ವೇಳೆ ಈ ಘಟನೆ ನಡೆದಿದೆ.

ನಾಲ್ಕು ಎತ್ತಿನ ಬಂಡಿಗಳೊಂದಿಗೆ ಕೊಚ್ಚಿಹೋಗಿದ್ದ ಐವರ ಪೈಕಿ ಮೂವರು ಪತ್ತೆಯಾಗಿದ್ದು, ತಂದೆ ಮಗ ಇಬ್ಬರು ನಾಪತ್ತೆಯಾಗಿದ್ದಾರೆ. 

ಇರ್ಷಾದ್‌ ಮತ್ತವರ ತಂದೆ ರಫೀಕ್‌ ಕೊಚ್ಚಿಹೋದವರು. ಮೂರು ಜೊತೆ ಎತ್ತುಗಳು ದಡ ಸೇರಿದ್ದು, ಇನ್ನೊಂದು ಜೊತೆ ಎತ್ತುಗಳು ಕೊಚ್ಚಿಹೋಗಿವೆ.

ಗ್ರಾಮದ ಐವರು ಗುರುವಾರ ತಡರಾತ್ರಿ (ಶುಕ್ರವಾರ ಬೆಳಗಿನ ಜಾವ 3ರ ವೇಳೆ)ಯಲ್ಲಿ ಅಕ್ರಮವಾಗಿ‌ ಮರಳು ತುಂಬಲು ತೆರಳುತ್ತಿದ್ದಾಗ ದುರ್ಘಟನೆ ನಡೆದಿದೆ.

ತುಂಗಭದ್ರಾ ಜಲಾಶಯದಿಂದ ನೀರು ಹರಿಸುತ್ತಿರುವುದರಿಂದ ಜನ‌ ಜಾಗ್ರತರಾಗಿರಬೇಕು ಎಂದು‌ ಜಿಲ್ಲಾಡಳಿತ ಸೂಚನೆ‌ ನೀಡಿದ ಬೆನ್ನಿಗೇ ದುರಂತ ನಡೆದಿದೆ.

ಸ್ಥಳಕ್ಕೆ ತೆರಳಿರುವ ಸಿರಗುಪ್ಪ ಠಾಣೆ ಪೊಲೀಸರು ಹಾಗೂ ಅಗ್ನಿಶಾಮಕ ಮತ್ತು ತುರ್ತು ಸೇವಾ ಸಿಬ್ಬಂದಿ ರಕ್ಷಣಾ ಕಾರ್ಯಾಚರಣೆ ನಡೆಸುತ್ತಿದ್ದಾರೆ. 

ಅಕ್ರಮ ಮರಳು ದಂಧೆಗೆ ತಡೆ ಹಾಕದ ತಾಲ್ಲೂಕು ಆಡಳಿತದ ಕಾರ್ಯವೈಖರಿ ಕಡೆಗೂ ಇದು ಗಮನ ಸೆಳೆದಿದೆ.

ಬರಹ ಇಷ್ಟವಾಯಿತೆ?

  • 3

    Happy
  • 0

    Amused
  • 0

    Sad
  • 1

    Frustrated
  • 3

    Angry

Comments:

0 comments

Write the first review for this !