ಅರಿಶಿಣ ಕುಂಕುಮ ಕೊಟ್ಟು ಮತಯಾಚನೆ

ಬುಧವಾರ, ಮೇ 22, 2019
24 °C

ಅರಿಶಿಣ ಕುಂಕುಮ ಕೊಟ್ಟು ಮತಯಾಚನೆ

Published:
Updated:
Prajavani

ಹೊಸಪೇಟೆ: ಮನೆ ಮನೆಗೆ ತೆರಳಿ, ಮಹಿಳಾ ಮತದಾರರಿಗೆ ಹೂ, ಅರಿಶಿಣ ಕುಂಕುಮ ಕೊಟ್ಟು, ಕಾಂಗ್ರೆಸ್‌ ಕಾರ್ಯಕರ್ತೆಯರು ಭಾನುವಾರ ನಗರದಲ್ಲಿ ವಿನೂತನ ರೀತಿಯಲ್ಲಿ ಮತ ಯಾಚಿಸಿದರು.

ಕೆ.ಪಿ.ಸಿ.ಸಿ. ಮಹಿಳಾ ಘಟಕದ ಕಾರ್ಯದರ್ಶಿ ಕವಿತಾ ಈಶ್ವರ್‌ ಸಿಂಗ್‌ ನೇತೃತ್ವದಲ್ಲಿ ನಗರದ ಮಹಾತ್ಮ ಗಾಂಧಿ ವೃತ್ತದಿಂದ ಪ್ರಚಾರ ಕಾರ್ಯ ಕೈಗೊಂಡರು. ರಸ್ತೆಬದಿಯ ಗೂಡಂಗಡಿ, ಮನೆಗಳಿಗೆ ತೆರಳಿ ಮಹಿಳೆಯರ ಕೈಗೆ ಹೂ ಕೊಟ್ಟರು. ನಂತರ ಅವರ ಹಣೆಗೆ ಅರಿಶಿಣ ಕುಂಕುಮ ಹಚ್ಚಿ, ಕರಪತ್ರ ಕೊಟ್ಟು, ಚುನಾವಣೆಯಲ್ಲಿ ಕಾಂಗ್ರೆಸ್‌ ಅಭ್ಯರ್ಥಿ ವಿ.ಎಸ್‌. ಉಗ್ರಪ್ಪ ಅವರನ್ನು ಬೆಂಬಲಿಸುವಂತೆ ಮನವಿ ಮಾಡಿದರು.

‘ಐದು ವರ್ಷಕ್ಕೊಮ್ಮೆ ಬರುವ ಚುನಾವಣೆ ಯಾವ ಹಬ್ಬಕ್ಕಿಂತ ಕಡಿಮೆಯೇನಿಲ್ಲ. ಮಹಿಳಾ ಮತದಾರರನ್ನು ನೇರವಾಗಿ ತಲುಪಲು, ಅವರಲ್ಲಿ ಅರಿವು ಮೂಡಿಸಲು ವಿನೂತನವಾಗಿ ಈ ಕಾರ್ಯಕ್ರಮ ಹಮ್ಮಿಕೊಂಡಿದ್ದೇವೆ. ಎಲ್ಲ ಕಡೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ’ ಎಂದು ಕವಿತಾ ಈಶ್ವರ್‌ ಸಿಂಗ್‌ ಪ್ರತಿಕ್ರಿಯಿಸಿದರು.

ಗಾಂಧಿ ವೃತ್ತದಿಂದ ಆರಂಭವಾದ ಪ್ರಚಾರ ಕಾರ್ಯ ಮೇನ್‌ ಬಜಾರ್‌ ಹಾಗೂ ನಗರದ ಏಳು ಕೇರಿಗಳಲ್ಲಿ ಜರುಗಿತು. ಸುಡುವ ಬಿಸಿಲನ್ನೂ ಲೆಕ್ಕಿಸದೆ ಕಾಂಗ್ರೆಸ್‌ ಕಾರ್ಯಕರ್ತರು ಬಿರುಸಿನ ಪ್ರಚಾರ ಮಾಡಿದರು.

ಮುಖಂಡರಾದ ರಫೀಕ್‌ ಟಿಂಕರ್‌, ಮುನ್ನಿ ಕಾಸೀಂ, ಬಾನು ಬೀ, ರಜೀಯಾ ಬೇಗಂ, ದಾದಾ ಕಲಂದರ್‌, ಮಧುರ ಚೆನ್ನ ಶಾಸ್ತ್ರಿ, ನಿಂಬಗಲ್‌ ರಾಮಕೃಷ್ಣ, ರಾಮಾಂಜಿನಿ, ಗೌಸ್‌, ರೂಪಾ ಕುಲಕರ್ಣಿ, ಜಂಬುನಾಥ, ವಿನಾಯಕ ಶೆಟ್ಟರ್‌, ರೇಣುಕಮ್ಮ ಇದ್ದರು.

ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?

ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್‌ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.

ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.

ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 1

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !