ಹೆದ್ದಾರಿಯಲ್ಲಿ ನಾಲ್ಕು ಕಿ.ಮೀ ದಟ್ಟಣೆ

ನೆಲಮಂಗಲ ಮೂಲಕ ಹಾದುಹೋಗಿರುವ ರಾಷ್ಟ್ರೀಯ ಹೆದ್ದಾರಿಯಲ್ಲಿ (ತುಮಕೂರು ರಸ್ತೆ) ರಾತ್ರಿ 8 ರಿಂದ ತಡರಾತ್ರಿಯವರೆಗೂ ವಾಹನಗಳು ಸಾಲುಗಟ್ಟಿ ನಿಂತಿದ್ದವು. ಚಾಲಕರು ಹಾಗೂ ಪ್ರಯಾಣಿಕರು ಗಂಟೆಗಟ್ಟಲೇ ರಸ್ತೆಯಲ್ಲಿ ಕಾದು ಸುಸ್ತಾದರು.

ನೆಲಮಂಗಲದ ಮಾರಮ್ಮ ದೇವಸ್ಥಾನದಿಂದ ಪಾರ್ಲೆ ಫ್ಯಾಕ್ಟರಿ ಸಮೀಪದ ಟೋಲ್‌ವರೆಗೂ ವಾಹನಗಳು ನಿಂತಿದ್ದವು. ಟೋಲ್‌ ಸಂಗ್ರಹ ಪ್ರಕ್ರಿಯೆ ನಿಧಾನಗತಿಯಲ್ಲಿ ಸಾಗಿದ್ದೂ ಸಹ ದಟ್ಟಣೆಗೆ ಕಾರಣವಾಯಿತು. ನಾಲ್ಕು ಕಿ.ಮೀ ದೂರದವರೆಗೂ ವಾಹನಗಳು ನಿಂತ ಜಾಗದಲ್ಲಿಯೇ ನಿಂತಿದ್ದವು. ಕೆಲವು ವಾಹನಗಳು ಅಡ್ಡಾದಿಡ್ಡಿ ಚಲಿಸಿದ್ದರಿಂದ ದಟ್ಟಣೆ ಹೆಚ್ಚಿತ್ತು.

ವೈಟ್‌ಫೀಲ್ಡ್‌ ಹಾಗೂ ಮಾರತ್ತಹಳ್ಳಿಯ ಹೊರವರ್ತುಲ ರಸ್ತೆಯಲ್ಲೂ ವಿಪರೀತ ದಟ್ಟಣೆ ಕಂಡುಬಂತು. ಕೆಲವಡೆ ಮಾರ್ಗ ಬದಲಾವಣೆ ಮಾಡಲಾಯಿತು.