ದೇವನಹಳ್ಳಿ: ‘ಕಳೆದ 36 ಗಂಟೆಯಲ್ಲಿ ವಿವಿಧ ದೇಶಗಳಿಂದ ಒಟ್ಟು 656 ಪ್ರಯಾಣಿಕರು ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಬಂದಿಳಿದಿದ್ದಾರೆ’ ಎಂದು ಬೆಂಗಳೂರು ಗ್ರಾಮಾಂತರ ಜಿಲ್ಲಾಧಿಕಾರಿ ಪಿ.ಎನ್.ರವೀಂದ್ರ ತಿಳಿಸಿದರು.
ಮಾಲ್ಡೀವ್ಸ್‌ನಮಾಲೆಯಿಂದ ಇಬ್ಬರು ಗರ್ಭಿಣಿಯರು, ಮಗು, 20 ಮಹಿಳೆಯರು, 132 ಪುರುಷರು ಸೇರಿದಂತೆ 152 ಪ್ರಯಾಣಿಕರು ಬಂದಿದ್ದು, ಇವರಲ್ಲಿ ಇಬ್ಬರಿಗೆ ಸೋಂಕು ಪತ್ತೆಯಾಗಿದೆ.
ದೋಹಾ, ಕೌಲಾಲಂಪುರದಿಂದ, ಜಕಾರ್ತದಿಂದ ಬಂದಿರುವ ಅನಿವಾಸಿ ಭಾರತೀಯರಲ್ಲಿ ಯಾರಿಗೂ ಸೋಂಕು ಕಂಡುಬಂದಿಲ್ಲ.
ಸೋಂಕಿತರನ್ನು ಬೆಂಗಳೂರಿನ ರಾಜೀವ್ ಗಾಂಧಿ ಎದೆ ರೋಗದ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆಗೆ ವ್ಯವಸ್ಥೆ ಮಾಡಲಾಗಿದೆ. ಉಳಿದವರನ್ನು ಬೆಂಗಳೂರು ನಗರ ಹಾಗೂ ಜನವಸತಿ ಪ್ರದೇಶದಿಂದ ದೂರವಿರುವ ರೆಸಾರ್ಟ್ ಮತ್ತು ಇತರೆ ಕಾಲೇಜುಗಳಲ್ಲಿ 14 ದಿನಗಳ ಕಾಲ ಕ್ವಾರಂಟೈನ್‌ಗೆ ಒಳಪಡಿಸಲಾಗಿದೆ ಎಂದು ಹೇಳಿದರು.
