‘ಗುರುಸ್ವಾಮಿ ಅವರಿಗೆ ಮಾರ್ಚ್ 31ರಂದು ಕರೆ ಮಾಡಿದ್ದ ಆರೋಪಿ, ‘ನಾನು ಬೆಂಗಳೂರು ಎಸಿಬಿ ಕಚೇರಿ ಡಿವೈಎಸ್ಪಿ. ನಿಮ್ಮ ವಿರುದ್ಧ ಭ್ರಷ್ಟಾಚಾರ ಆರೋಪವಿದ್ದು, ಶೀಘ್ರದಲ್ಲಿ ದಾಳಿ ಮಾಡ
ಲಾಗುವುದು. ಈ ರೀತಿ ಮಾಡಬಾರದು ಎಂದರೆ ₹ 1.50 ಲಕ್ಷ ನೀಡಬೇಕು ಎಂದಿದ್ದ’. ಆತನ ಮಾತು ನಂಬಿದ್ದ ಗುರುಸ್ವಾಮಿ, ಖಾತೆಗೆ ಹಣ ಜಮೆ ಮಾಡಿದ್ದರು’ ಎಂದೂ ತಿಳಿಸಿವೆ. ‘ಇತ್ತೀಚೆಗೆ ಪುನಃ ₹ 50,000 ಆರೋಪಿ ಬೇಡಿಕೆ ಇರಿಸಿದ್ದ. ಅನುಮಾನಗೊಂಡ ಗುರುಸ್ವಾಮಿ, ಪರಿಚಯಸ್ಥರ ಮೂಲಕ ಎಸಿಬಿ ಕಚೇರಿಯಲ್ಲಿ ವಿಚಾರಿಸಿದ್ದರು. ಯಾರೊಬ್ಬರೂ ಕರೆ ಮಾಡಿಲ್ಲವೆಂಬುದು ಗೊತ್ತಾಗಿತ್ತು. ಬಳಿಕ ಠಾಣೆಗೆ ಬಂದು ದೂರು ನೀಡಿದ್ದಾರೆ’ ಎಂದು ಹೇಳಿವೆ.
