14 ವರ್ಷ 6 ತಿಂಗಳು ವಯಸ್ಸಿನ ಅಮನ ಮೂರು ವರ್ಷಗಳಲ್ಲಿ ಮೂರು ಪುಸ್ತಕಗಳನ್ನು ಎರಡು ಭಾಷೆಗಳಲ್ಲಿ ಬರೆಯುವ ಮೂಲಕ ಅಂತರರಾಷ್ಟ್ರೀಯ ವಿಶ್ವ ದಾಖಲೆಯಲ್ಲಿ ‘ಅತ್ಯಂತ ಕಿರಿಯ ಕವಯಿತ್ರಿ’ ಹಾಗೂ ವಂಡರ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ಸ್‌ನಲ್ಲಿ ‘ಕಿರಿಯ ಲೇಖಕಿ’ ಎಂಬ ದಾಖಲೆಗೆ ಸೇರ್ಪಡೆಯಾಗಿದ್ದಾರೆ.

ಕೆಎಸ್‌ಆರ್‌ಟಿಸಿ ಮುಖ್ಯ ಸಾರ್ವಜನಿಕ ಸಂಪರ್ಕಾಧಿಕಾರಿ ಲತಾ ಟಿ.ಎಸ್. ಮತ್ತು ಜೈವಂತ್‌ಕುಮಾರ್ ಅವರ ಮಗಳು ಅಮನ, ಬಿಷಪ್ ಕಾಟನ್ ಶಾಲೆ`ಯಲ್ಲಿ 10ನೇ ತರಗತಿಯಲ್ಲಿ ಕಲಿಯುತ್ತಿದ್ದಾರೆ. ಹಾವರ್ಡ್ ವಿಶ್ವವಿದ್ಯಾಲಯದಿಂದ ‘ಮಾಸ್ಟರ್ ಪೀಸಸ್ ಆಫ್ ವರ್ಲ್ಡ್ ಲಿಟರೇಚರ್’ ಎಂಬ ಸಾಹಿತ್ಯ ಕೋರ್ಸ್‌ ಕೂಡ ಮುಗಿಸಿದ್ದಾರೆ.

ಇಂಗ್ಲಿಷ್‌ನಲ್ಲಿ ಎರಡು ಪುಸ್ತಕ ಮತ್ತು ಹಿಂದಿಯಲ್ಲಿ ಒಂದು ಪುಸ್ತಕ ಪ್ರಕಟವಾಗಿದ್ದು, ನಾಲ್ಕನೇ ಪುಸ್ತಕ ಪ್ರಕಟಕ್ಕೆ ಸಿದ್ಧವಾಗಿದೆ ಎಂದು ಲತಾ ಟಿ.ಎಸ್. ತಿಳಿಸಿದ್ದಾರೆ.