ಸಂಯುಕ್ತ ಜಮಾತ್ ಖಾಝಿಯಾಗಿ ಎ.ಪಿ.ಅಬೂಬಕ್ಕರ್‌ ಆಯ್ಕೆ

ಮೈಸೂರು, ಕೆ.ಜಿ.ಎಫ್, ಹೊಸೂರು, ರಾಮನಗರ, ತುಮಕೂರಿನ ಕೆಲ ಮೊಹಲ್ಲಾದ ‍ಪ್ರತಿನಿಧಿಗಳೂ ಎ.ಪಿ ಅಬೂಬಕ್ಕರ್ ಮುಸ್ಲಿಯಾರ್ (ಎ.ಪಿ. ಉಸ್ತಾದ್‌) ಅವರನ್ನು ಖಾಝಿಯಾಗಿ ಸ್ವೀಕರಿಸಿದರು. ಉಳ್ಳಾಲ ಖಾಝಿಗಳಾಗಿದ್ದ ಮರ್‌ಹೂಂ ಸಯ್ಯದ್ ಫಝಲ್ ಕೋಯಮ್ಮ ತಂಙಳ್ ಅವರ ಅನುಸ್ಮರಣೆ ಕಾರ್ಯಕ್ರಮದಲ್ಲಿ ಖಾಝಿ ಸ್ವೀಕಾರ ಪ್ರಕ್ರಿಯೆ ನಡೆಯಿತು.

‘ವಯನಾಡ್‌ನಲ್ಲಿ ನಡೆದ ಪ್ರಕೃತಿ ದುರಂತದಲ್ಲಿ ಉಂಟಾದ ನಷ್ಟವು ಊಹಿಸಲು ಅಸಾಧ್ಯವಾಗಿದೆ. ನಿರಾಶ್ರಿತರಿಗೆ ಕೈಲಾಗುವ ಸಹಾಯ ಮಾಡಬೇಕು’ ಎಂದು ಎ.ಪಿ. ಉಸ್ತಾದ್‌ ತಿಳಿಸಿದರು.

ಸೈಯದ್ ಇಬ್ರಾಹಿಂ ಬಾಫಖಿ ತಂಙಳ್, ಹುಸೈನ್ ಸಖಾಫಿ ಚುಳ್ಳಿಕೋಡ್, ಸೈಯದ್ ತನ್ವೀರ್ ಹಾಶಿಮಿ, ಎನ್.ಕೆ.ಎಂ. ಶಾಫಿ ಸ‌ಅದಿ, ಕರ್ನಾಟಕ ಮುಸ್ಲಿಂ ಜಮಾಅತ್ ಪ್ರಧಾನ ಕಾರ್ಯದರ್ಶಿ ಅಬೂಸುಫಿಯಾನ್ ಮದನಿ, ಎಸ್.ವೈ.ಎಸ್. ರಾಜ್ಯಾಧ್ಯಕ್ಷ ಹಫೀಳ್ ಸ‌ಅದಿ, ಎಸ್‌ಎಸ್‌ಎಫ್‌ ರಾಜ್ಯ ಘಟಕದ ಅಧ್ಯಕ್ಷ ಸುಫಿಯಾನ್ ಸಖಾಫಿ, ಮುಸ್ಲಿಂ ಜಮಾ‌ತ್ ಜಿಲ್ಲಾ ಘಟಕದ ಅಧ್ಯಕ್ಷ ಶಬೀರ್ ಹಝರತ್, ವಕ್ಫ್ ಬೋರ್ಡ್ ಅಧ್ಯಕ್ಷ ಅನ್ವರ್ ಪಾಷ, ಮಾಜಿ ಸಚಿವ ರೋಷನ್ ಬೇಗ್, ಉರ್ದು ಅಕಾಡೆಮಿ ಅಧ್ಯಕ್ಷ ಮೌಲಾನಾ ಮುಹಮ್ಮದಲಿ, ಕೇಂದ್ರದ ಮಾಜಿ ಸಚಿವ ಸಿ.ಎಂ. ಇಬ್ರಾಹಿಂ, ಮುಖ್ಯಮಂತ್ರಿಯವರ ರಾಜಕೀಯ ಕಾರ್ಯದರ್ಶಿ ನಸೀರ್ ಅಹಮದ್‌, ಜಿ.ಎ. ಬಾವ, ಯು.ಟಿ. ಇಫ್ತಿಕಾರ್ ಭಾಗವಹಿಸಿದ್ದರು.