ಲೈಂಗಿಕ ಉದ್ದೇಶದಿಂದ ಹಿಂಬಾಲಿಸಿದರೂ ಕಠಿಣ ಶಿಕ್ಷೆ

ಲೈಂಗಿಕ ಅಪರಾಧಗಳು ಯಾವುವು ಎಂಬುದನ್ನು ಈ ಕಾಯ್ದೆ ಸ್ಪಷ್ಟವಾಗಿ ವಿವರಿಸುತ್ತದೆ. ಅಲ್ಲದೆ ಆಯಾ ಸ್ವರೂಪದ ಲೈಂಗಿಕ ಅಪರಾಧಕ್ಕೆ ಶಿಕ್ಷೆಯ ಪ್ರಮಾಣವನ್ನೂ ಪೋಕ್ಸೊ ನಿಗದಿಪಡಿಸಿದೆ. ಬಾಲಕರ ಮೇಲಿನ ಲೈಂಗಿಕ ದೌರ್ಜನ್ಯಗಳನ್ನೂ ಈ ಕಾಯ್ದೆ ಲೈಂಗಿಕ ಅಪರಾಧವೆಂದೇ ಪರಿಗಣಿಸುತ್ತದೆ.

ಅತ್ಯಾಚಾರ
ಅಪರಾಧ: ಅತ್ಯಾಚಾರ ಮತ್ತು ಮುಖಮೈಥುನ. ಮಕ್ಕಳಿಂದ ಮುಖಮೈಥುನ ಮಾಡಿಸಿಕೊಳ್ಳುವುದು ಹಾಗೂ ಮಕ್ಕಳಿಗೆ ಮುಖಮೈಥುನ ಮಾಡುವುದೂ ಅತ್ಯಾಚಾರ

7 ವರ್ಷ ಸೆರೆವಾಸ: ಇದು ಜೈಲುಶಿಕ್ಷೆಯ ಕನಿಷ್ಠಾವಧಿಯಾಗಿದ್ದು, ಜೀವಾವಧಿ ಶಿಕ್ಷೆಯನ್ನೂ ವಿಧಿಸಬಹುದು. ಜತೆಗೆ ದಂಡ

*
ಅಧಿಕಾರದಲ್ಲಿ ಇರುವವರಿಂದ ಬಲಾತ್ಕಾರ
ಪೊಲೀಸ್ ಅಧಿಕಾರಿಗಳು/ಶಸಸ್ತ್ರ ಪಡೆಗಳ ಸಿಬ್ಬಂದಿ/ಸರ್ಕಾರದ ಇತರ ಇಲಾಖೆಗಳ ಸಿಬ್ಬಂದಿ ಒಳಗೊಂಡಂತೆ ಸಾರ್ವಜನಿಕ ಸೇವೆಯಲ್ಲಿರುವ ವ್ಯಕ್ತಿಗಳು ಎಸಗುವ ಅತ್ಯಾಚಾರ.

10 ವರ್ಷ ಸೆರೆವಾಸ: ಇದು ಜೈಲುಶಿಕ್ಷೆಯ ಕನಿಷ್ಠಾವಧಿಯಾಗಿದ್ದು, ಜೀವಾವಧಿ ಶಿಕ್ಷೆಯನ್ನೂ ವಿಧಿಸಬಹುದು. ಜತೆಗೆ ದಂಡನಾರ್ಹವೂ ಹೌದು

*
ಅಧಿಕಾರಸ್ಥರಿಂದ ದೌರ್ಜನ್ಯ
ಪೊಲೀಸ್ ಅಧಿಕಾರಿಗಳು/ಶಸಸ್ತ್ರ ಪಡೆಗಳ ಸಿಬ್ಬಂದಿ/ಸರ್ಕಾರದ ಇತರ ಇಲಾಖೆಗಳ ಸಿಬ್ಬಂದಿ ಒಳಗೊಂಡಂತೆ ಸಾರ್ವಜನಿಕ ಸೇವೆಯಲ್ಲಿರುವ ವ್ಯಕ್ತಿಗಳು ಎಸಗುವ ಲೈಂಗಿಕ ದೌರ್ಜನ್ಯಗಳು.

5 ವರ್ಷದಿಂದ 7 ವರ್ಷದವರೆಗೆ ಸೆರೆವಾಸ. ದಂಡ ವಿಧಿಸಲೂ ಅವಕಾಶ

*
ಕಿರುಕುಳ
ಲೈಂಗಿಕ ಉದ್ದೇಶದ ಯಾವುದೇ ವರ್ತನೆ, ಮಕ್ಕಳನ್ನು ಬೆತ್ತಲು ಮಾಡುವುದು, ಮಕ್ಕಳಿಗೆ ಲೈಂಗಿಕ/ನೀಲಿ ಚಿತ್ರಗಳನ್ನು ತೋರಿಸುವುದು. ಲೈಂಗಿಕ ಉದ್ದೇಶದಿಂದ ಹಿಂಬಾಲಿಸುವುದು, ಫೋನ್‌–ಸಾಮಾಜಿಕ ಜಾಲತಾಣಗಳ ಮೂಲಕ ಮತ್ತು ಯಾವುದೇ ಸ್ವರೂಪದಲ್ಲಿ ಪದೇ–ಪದೇ ಸಂಪರ್ಕಿಸುವುದು.

3 ವರ್ಷ ಸೆರೆವಾಸ (ಇದು ಗರಿಷ್ಠ ಶಿಕ್ಷೆ). ದಂಡ ವಿಧಿಸಲೂ ಅವಕಾಶವಿದೆ.

*
ನೀಲಿಚಿತ್ರಕ್ಕಾಗಿ ಲೈಂಗಿಕ ಅಪರಾಧ
ನೀಲಿಚಿತ್ರಕ್ಕಾಗಿ ಮಕ್ಕಳನ್ನು ಲೈಂಗಿಕ ಕ್ರಿಯೆಗೆ ಬಳಸಿಕೊಳ್ಳುವುದು.

ನೀಲಿಚಿತ್ರಕ್ಕಾಗಿ ಮಕ್ಕಳ ಮೇಲೆ ಅತ್ಯಾಚಾರ/ದೌರ್ಜನ್ಯ ಎಸಗುವುದು.

3 ವರ್ಷ ಸೆರೆವಾಸ (ಎರಡನೇ ಬಾರಿ ಅಪರಾಧ ಸಾಬೀತಾದರೆ ಏಳು ವರ್ಷಗಳವೆರೆಗೆ ಸೆರೆವಾಸ). ದಂಡಕ್ಕೂ ಅವಕಾಶವಿದೆ.

6 ವರ್ಷ ಸೆರೆವಾಸದಿಂದ ಜೀವಾವಧಿ ಶಿಕ್ಷೆ ವಿಧಿಸಲೂ ಅವಕಾಶವಿದೆ.