<p><strong>ಬೆಂಗಳೂರು</strong>: ನಗರದಲ್ಲಿ ಆಟೊಗಳಿಗೆ ಎಲ್ಪಿಜಿ ವಿತರಣೆಯಲ್ಲಿ ವ್ಯತ್ಯಯವಾಗಿದ್ದು, ದರವೂ ದುಬಾರಿಯಾಗಿರುವುದರಿಂದ ಸಮಸ್ಯೆಯಾಗಿದೆ.</p>.<p>ಎಲ್ಪಿಜಿ ಸರಬರಾಜಿನಲ್ಲಿ ಉಂಟಾಗುತ್ತಿರುವ ಗೊಂದಲದಿಂದಾಗಿ ಆಟೊಗಳಿಗೆ ಎಲ್ಪಿಜಿ ಪೂರೈಸಲು ಕಂಪನಿಗಳಿಗೂ ಆಗುತ್ತಿಲ್ಲ. ಹಲವು ಕಂಪನಿಗಳ ಅನಿಲ ಸ್ಟೇಷನ್ಗಳು ಸೇವೆ ಸ್ಥಗಿತಗೊಳಿಸಿವೆ. ನಾಲ್ಕು ದಿನಗಳಿಂದ ಹಲವು ಸ್ಟೇಷನ್ಗಳನ್ನು ಬಂದ್ ಮಾಡಲಾಗಿದೆ. ಇದರಲ್ಲಿ ಖಾಸಗಿ ಅನಿಲ ಕಂಪನಿಗಳ ಸ್ಟೇಷನ್ಗಳ ಸಂಖ್ಯೆಯೇ ಹೆಚ್ಚಾಗಿದೆ.</p>.<p>ಹಿಂದೂಸ್ತಾನ್ ಪೆಟ್ರೋಲಿಯಂ, ಭಾರತ್ ಪೆಟ್ರೋಲಿಯಂಗೆ ಸೇರಿದ ಅನಿಲ ಸ್ಟೇಷನ್ಗಳ ಮುಂಭಾಗ ಆಟೊಗಳು ಸರತಿ ಸಾಲಿನಲ್ಲಿ ನಿಂತಿರುವುದು ಕಂಡು ಬಂದಿತು. ಕೆಲವು ಕಡೆಗಳಲ್ಲಿ ಮೂರು ಕಿ.ಮೀ ವರೆಗೂ ಆಟೊಗಳು ಸರತಿಯಲ್ಲಿ ನಿಂತಿದ್ದವು.</p>.<p>ಸರಬರಾಜಿನಲ್ಲಿ ವ್ಯತ್ಯಯವಾದಾಗಿನಿಂದ ಆಟೊ ಎಲ್ಪಿಜಿ ದರದಲ್ಲಿ ಹೆಚ್ಚಳವಾಗುತ್ತಲೇ ಇದೆ. ಪ್ರತಿ ಕೆಜಿಗೆ ಕೆಲವು ಕಡೆ ₹85 ರಿಂದ ₹120ವರೆಗೂ ಮಾರಾಟ ಮಾಡುತ್ತಿರುವ ದೂರುಗಳು ಕೇಳಿ ಬಂದಿವೆ. ಸರ್ಕಾರಿ ಸ್ವಾಮ್ಯದ ಕಂಪನಿಗಳ ದರದಲ್ಲಿ ಕಡಿಮೆ ಇದ್ದರೆ, ಖಾಸಗಿ ಕಂಪನಿಗಳಲ್ಲಿ ದುಬಾರಿ ಆಗಿದೆ.</p>.<p>‘ಮೂರು ದಿನಗಳಿಂದ ದಾಸ್ತಾನು ಬಾರದೇ ವಿತರಣೆ ಕಷ್ಟವಾಗಿದೆ. ಪರಿಸ್ಥಿತಿ ಚೆನ್ನಾಗಿ ಇದ್ದಾಗ 4 ಟನ್ ಇತ್ತು. ಈಗ 2 ಟನ್ ಸರಬರಾಜು ಆದರೆ ಹೆಚ್ಚು. ಯಾವಾಗ ಸರಿಯಾಗುತ್ತದೆಯೋ ಗೊತ್ತಿಲ್ಲ’ ಎಂದು ಮಾರಾಟ ಸಂಸ್ಥೆಯ ವ್ಯವಸ್ಥಾಪಕ ಚೇತನ್ಗೌಡ ತಿಳಿಸಿದರು.</p>.<p>‘ಎರಡು ದಿನದ ಹಿಂದೆ ಅನಿಲ ತುಂಬಿಸಿಕೊಂಡು ಓಡಿಸುತ್ತಿದ್ದೇನೆ. ಶನಿವಾರದ ಹೊತ್ತಿಗೆ ತುಂಬಿಸಲೇಬೇಕು. ಈಗಲೇ ಪರಿಸ್ಥಿತಿ ನೋಡಿದರೆ ಭಯವಾಗುತ್ತದೆ. ಎಲ್ಪಿಜಿ ಸಿಗುತ್ತದೋ ಇಲ್ಲವೋ ನೋಡಬೇಕು. ಇಲ್ಲದೇ ಇದ್ದರೆ ಆಟೊ ಓಡಿಸುವುದು ಕಷ್ಟವಾಗಲಿದೆ’ ಎಂದು ಚಾಲಕರಾದ ಕೃಷ್ಣಸ್ವಾಮಿ, ಶರವಣ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ನಗರದಲ್ಲಿ ಆಟೊಗಳಿಗೆ ಎಲ್ಪಿಜಿ ವಿತರಣೆಯಲ್ಲಿ ವ್ಯತ್ಯಯವಾಗಿದ್ದು, ದರವೂ ದುಬಾರಿಯಾಗಿರುವುದರಿಂದ ಸಮಸ್ಯೆಯಾಗಿದೆ.</p>.<p>ಎಲ್ಪಿಜಿ ಸರಬರಾಜಿನಲ್ಲಿ ಉಂಟಾಗುತ್ತಿರುವ ಗೊಂದಲದಿಂದಾಗಿ ಆಟೊಗಳಿಗೆ ಎಲ್ಪಿಜಿ ಪೂರೈಸಲು ಕಂಪನಿಗಳಿಗೂ ಆಗುತ್ತಿಲ್ಲ. ಹಲವು ಕಂಪನಿಗಳ ಅನಿಲ ಸ್ಟೇಷನ್ಗಳು ಸೇವೆ ಸ್ಥಗಿತಗೊಳಿಸಿವೆ. ನಾಲ್ಕು ದಿನಗಳಿಂದ ಹಲವು ಸ್ಟೇಷನ್ಗಳನ್ನು ಬಂದ್ ಮಾಡಲಾಗಿದೆ. ಇದರಲ್ಲಿ ಖಾಸಗಿ ಅನಿಲ ಕಂಪನಿಗಳ ಸ್ಟೇಷನ್ಗಳ ಸಂಖ್ಯೆಯೇ ಹೆಚ್ಚಾಗಿದೆ.</p>.<p>ಹಿಂದೂಸ್ತಾನ್ ಪೆಟ್ರೋಲಿಯಂ, ಭಾರತ್ ಪೆಟ್ರೋಲಿಯಂಗೆ ಸೇರಿದ ಅನಿಲ ಸ್ಟೇಷನ್ಗಳ ಮುಂಭಾಗ ಆಟೊಗಳು ಸರತಿ ಸಾಲಿನಲ್ಲಿ ನಿಂತಿರುವುದು ಕಂಡು ಬಂದಿತು. ಕೆಲವು ಕಡೆಗಳಲ್ಲಿ ಮೂರು ಕಿ.ಮೀ ವರೆಗೂ ಆಟೊಗಳು ಸರತಿಯಲ್ಲಿ ನಿಂತಿದ್ದವು.</p>.<p>ಸರಬರಾಜಿನಲ್ಲಿ ವ್ಯತ್ಯಯವಾದಾಗಿನಿಂದ ಆಟೊ ಎಲ್ಪಿಜಿ ದರದಲ್ಲಿ ಹೆಚ್ಚಳವಾಗುತ್ತಲೇ ಇದೆ. ಪ್ರತಿ ಕೆಜಿಗೆ ಕೆಲವು ಕಡೆ ₹85 ರಿಂದ ₹120ವರೆಗೂ ಮಾರಾಟ ಮಾಡುತ್ತಿರುವ ದೂರುಗಳು ಕೇಳಿ ಬಂದಿವೆ. ಸರ್ಕಾರಿ ಸ್ವಾಮ್ಯದ ಕಂಪನಿಗಳ ದರದಲ್ಲಿ ಕಡಿಮೆ ಇದ್ದರೆ, ಖಾಸಗಿ ಕಂಪನಿಗಳಲ್ಲಿ ದುಬಾರಿ ಆಗಿದೆ.</p>.<p>‘ಮೂರು ದಿನಗಳಿಂದ ದಾಸ್ತಾನು ಬಾರದೇ ವಿತರಣೆ ಕಷ್ಟವಾಗಿದೆ. ಪರಿಸ್ಥಿತಿ ಚೆನ್ನಾಗಿ ಇದ್ದಾಗ 4 ಟನ್ ಇತ್ತು. ಈಗ 2 ಟನ್ ಸರಬರಾಜು ಆದರೆ ಹೆಚ್ಚು. ಯಾವಾಗ ಸರಿಯಾಗುತ್ತದೆಯೋ ಗೊತ್ತಿಲ್ಲ’ ಎಂದು ಮಾರಾಟ ಸಂಸ್ಥೆಯ ವ್ಯವಸ್ಥಾಪಕ ಚೇತನ್ಗೌಡ ತಿಳಿಸಿದರು.</p>.<p>‘ಎರಡು ದಿನದ ಹಿಂದೆ ಅನಿಲ ತುಂಬಿಸಿಕೊಂಡು ಓಡಿಸುತ್ತಿದ್ದೇನೆ. ಶನಿವಾರದ ಹೊತ್ತಿಗೆ ತುಂಬಿಸಲೇಬೇಕು. ಈಗಲೇ ಪರಿಸ್ಥಿತಿ ನೋಡಿದರೆ ಭಯವಾಗುತ್ತದೆ. ಎಲ್ಪಿಜಿ ಸಿಗುತ್ತದೋ ಇಲ್ಲವೋ ನೋಡಬೇಕು. ಇಲ್ಲದೇ ಇದ್ದರೆ ಆಟೊ ಓಡಿಸುವುದು ಕಷ್ಟವಾಗಲಿದೆ’ ಎಂದು ಚಾಲಕರಾದ ಕೃಷ್ಣಸ್ವಾಮಿ, ಶರವಣ ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
