ಬೆಂಗಳೂರು: ಬೆಂಗಳೂರು ವಿಶ್ವವಿದ್ಯಾಲಯದ 2019-20 ಸಾಲಿನ ಸ್ನಾತಕೋತ್ತರ ಪ್ರವೇಶ ಪ್ರಕ್ರಿಯೆಗೆಸಂಬಂಧಿಸಿದಂತೆ, ಈ ಬಾರಿ ಎಂಕಾಂ, ಎಂಎಫ್‌ಎ, ಎಂಟಿಎ, ಎಂಟಿಟಿಎಂ ಮತ್ತು ಎಂಐಬಿ ಕೋರ್ಸುಗಳಿಗೆ ಗಣಕೀಕೃತ ತಂತ್ರಜ್ಞಾನದಿಂದ, ವಿದ್ಯಾರ್ಥಿಗಳ ಇಚ್ಛೆಗೆಅನುಗುಣವಾಗಿ, ಸೀಟು ಹಂಚಿಕೆಯನ್ನು ಆನ್‌ಲೈನ್‌ನಲ್ಲಿ ಮಾಡಲಾಗುತ್ತಿದೆ.
ಇದೇ 27ರಂದು ಈ ಪ್ರಕ್ರಿಯೆ ಕೊನೆಗೊಳ್ಳಲಿದ್ದು, ಮೂಲ ದಾಖಲೆಗಳ ಪರಿಶೀಲನೆಯನ್ನು ಜ್ಞಾನಭಾರತಿಯ, ವೆಂಕಟಗಿರಿಗೌಡ ಸಭಾಂಗಣದಲ್ಲಿ ಹಮ್ಮಿಕೊಳ್ಳಲಾಗಿದೆ. ಮೂಲ ದಾಖಲೆ ಪರಿಶೀಲನೆಗೆ ಗೈರಾದ ವಿದ್ಯಾರ್ಥಿಗಳನ್ನು ಸೀಟು ಹಂಚಿಕೆ ಪ್ರಕ್ರಿಯೆಯಿಂದ ಕೈಬಿಡಲಾಗುವುದು. ಹೆಚ್ಚಿನ ಮಾಹಿತಿಯನ್ನು www.bangaloreuniversity.ac.in ನಿಂದ ಪಡೆಯಬಹುದು ಎಂದು ಪ್ರಕಟಣೆ ತಿಳಿಸಿದೆ.
