ಕುದುರೆ ಓಟ– ಕ್ರಿಕೆಟ್ ಬೆಟ್ಟಿಂಗ್: ₹1.53 ಲಕ್ಷ ಜಪ್ತಿ

‘ಜ್ಞಾನಭಾರತಿ ಹಾಗೂ ಯಲಹಂಕ ನ್ಯೂ ಟೌನ್‌ ಠಾಣೆಗಳ ವ್ಯಾಪ್ತಿಯಲ್ಲಿ ಪ್ರತ್ಯೇಕ ಕಾರ್ಯಾಚರಣೆ ನಡೆಸಲಾಗಿದೆ. ಬೆಟ್ಟಿಂಗ್‌ನಲ್ಲಿ ತೊಡಗಿದ್ದ ಇಬ್ಬರನ್ನು ಬಂಧಿಸಲಾಗಿದೆ’ ಎಂದು ಸಿಸಿಬಿ ಪೊಲೀಸರು ಹೇಳಿದರು.

‘ಕುದುರೆ ಓಟದ ಮೇಲೆ ಬೆಟ್ಟಿಂಗ್ ನಡೆಸುತ್ತಿದ್ದ ಆರೋಪಿ, ವಾಟ್ಸ್‌ಆ್ಯಪ್ ಗ್ರೂಪ್ ಮಾಡಿಕೊಂಡಿದ್ದ. ಮರಿಯಪ್ಪನಪಾಳ್ಯ ಬಸ್‌ ತಂಗುದಾಣ ಬಳಿ ಸುತ್ತಾಡುತ್ತಿದ್ದ ಈತ, ಜನರಿಂದ ಹಣ ಕಟ್ಟಿಸಿಕೊಳ್ಳುತ್ತಿದ್ದ. ಇನ್ನೊಬ್ಬ ಆರೋಪಿ, ಯಲಹಂಕ ನ್ಯೂ ಟೌನ್‌ನ ಪಾದಚಾರಿ ಮಾರ್ಗಗಳಲ್ಲಿ ಓಡಾಡಿ ಕ್ರಿಕೆಟ್ ಪಂದ್ಯಗಳ ಸೋಲು–ಗೆಲುವು ಲೆಕ್ಕಾಚಾರದಲ್ಲಿ ಜನರಿಂದ ಹಣ ಪಡೆಯುತ್ತಿದ್ದ’ ಎಂದು ತಿಳಿಸಿದರು.