‘ಬೆಳಿಗ್ಗೆ 9 ರಿಂದ ಸಂಜೆ 7 ಗಂಟೆಯವರೆಗೆ ವಿರಾಮ ಅವಧಿ ಸೇರಿದಂತೆ 10 ಗಂಟೆಗಳ ಕಾಲ ನಡೆದ ಈ ಕಾರ್ಯಕ್ರಮದಲ್ಲಿ ಸಮಾಜದ ನೂರಾರು ವಿವಾಹ ಆಕಾಂಕ್ಷಿಗಳು ಉತ್ಸಾಹದಿಂದ ಭಾಗವಹಿಸಿದ್ದರು. ಈ ಕಾರ್ಯಕ್ರಮಕ್ಕೆ ಎಲ್ಲೆಡೆ ಶ್ಲಾಘನೆ ವ್ಯಕ್ತವಾಗಿದೆ. ಸಮಾಜ ಬಂಧುಗಳು ಕೋವಿಡ್ ಸಂದರ್ಭದಲ್ಲಿ ಮನೆಯಲ್ಲಿಯೇ ಕುಳಿತು ವಧು – ವರರು ಪರಸ್ಪರ ಪರಿಚಯಿಸಿಕೊಳ್ಳಲು ಈ ವೇದಿಕೆಯು ಅಪೂರ್ವ ಅವಕಾಶ ಒದಗಿಸಿತ್ತು‘ ಎಂದು ಎಐಬಿಕೆಎಂನ ರಾಜ್ಯ ಘಟಕದ ಅಧ್ಯಕ್ಷ ಸುಧೀರ್ ನವಲೆ ಅವರು ಸಮಾರೋಪ ಸಮಾರಂಭದಲ್ಲಿ ಅಭಿಪ್ರಾಯಪಟ್ಟರು. ವೇಣುಗೋಪಾಲ್, ಮಂಜುನಾಥ ಅಂಚಲಕರ್, ಪ್ರಕಾಶ್ ನವಲೆ, ರಾಕೇಶ್ ರಾವ್ ನೇತೃತ್ವದಲ್ಲಿನ ತಾಂತ್ರಿಕ ತಂಡವು ಈ ಕಾರ್ಯಕ್ರಮದಲ್ಲಿ ಎಲ್ಲಿಯೂ ತಾಂತ್ರಿಕ ಅಡಚಣೆ ಎದುರಾಗದಂತೆ ಕಾಯಕ್ರಮವನ್ನು ಯಶಸ್ವಿಯಾಗಿ ಅಚ್ಚುಕಟ್ಟಾಗಿ ನಿಭಾಯಿಸಿತು. ಪ್ರಕಾಶ್ ಬೋಂಗಳೆಕರ್ ವಂದಿಸಿದರು.