ಕಳ್ಳತನ: ಕೆಲಸಕ್ಕಿದ್ದ ಮಹಿಳೆ ಸೆರೆ

ಶಿವಮೊಗ್ಗ ಜಿಲ್ಲೆಯ ಸುಮಾ, ಕೆಲಸ ಹುಡುಕಿಕೊಂಡು ಪತಿ ಹಾಗೂ ಮಗನ ಜೊತೆ ನಗರಕ್ಕೆ ಬಂದಿದ್ದರು. ಪತಿ ಆರೋಗ್ಯ ಸಮಸ್ಯೆಯಿಂದಾಗಿ ಮನೆಯಲ್ಲೇ ಇರುತ್ತಿದ್ದರು. ಮನೆ ಕೆಲಸಕ್ಕೆ ಹೋಗುತ್ತಿದ್ದ ಸುಮಾ, ಅದರ ದುಡಿಮೆಯಲ್ಲೇ ಜೀವನ ನಡೆಸುತ್ತಿದ್ದರು.

‘ಮಗನಿಗೆ ಐ–ಫೋನ್ ಕೊಡಿಸಬೇಕು ಹಾಗೂ ಐಷಾರಾಮಿ ಜೀವನ ನಡೆಸಲು ಸುಮಾ, ಕಳ್ಳತನ ಮಾಡಲು ಯೋಚಿಸಿದ್ದರು. ಕೆಲಸ ಮಾಡುತ್ತಿದ್ದ ಫ್ಲ್ಯಾಟ್‌ನಲ್ಲೇ ವಜ್ರದ ಆಭರಣ ಹಾಗೂ ಚಿನ್ನಾಭರಣ ಕದ್ದಿದ್ದರು’ ಎಂದು ಪೊಲೀಸರು ತಿಳಿಸಿದ್ದಾರೆ.