ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

10 ವಿಲಾಸಿ ಕಾರುಗಳ ಒಡತಿ ಪದ್ಮಾವತಿ!

ಶಾಸಕ–ಪತ್ನಿಯ ಸಂಪತ್ತಿನ ಮೌಲ್ಯ ₹ 424 ಕೋಟಿ
Last Updated 1 ಡಿಸೆಂಬರ್ 2019, 13:43 IST
ಅಕ್ಷರ ಗಾತ್ರ

ಬೆಂಗಳೂರು: ಹೊಸಕೋಟೆ ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್‌ ಅಭ್ಯರ್ಥಿ ಪದ್ಮಾವತಿ ಸುರೇಶ್‌ 10 ವಿಲಾಸಿ ಕಾರುಗಳನ್ನು ಹೊಂದಿದ್ದು, ಒಟ್ಟು ₹ 424 ಕೋಟಿ ಆಸ್ತಿ ಹೊಂದಿದ್ದಾರೆ.

ಶನಿವಾರ ತಮ್ಮ ನಾಮಪತ್ರ ಸಲ್ಲಿಸುವ ವೇಳೆ ಚುನಾವಣಾ ಆಯೋಗಕ್ಕೆ ನೀಡಿದ ಪ್ರಮಾಣಪತ್ರದಲ್ಲಿ ಅವರು ಈ ಘೋಷಣೆ ಮಾಡಿದ್ದಾರೆ.

ಹೆಬ್ಬಾಳ ಶಾಸಕ ಸುರೇಶ್‌ ಅವರ ಪತ್ನಿ ಆಗಿರುವ ಅವರಲ್ಲಿ ₹ 16.63 ಕೋಟಿ ಮೌಲ್ಯದ ಚರಾಸ್ತಿ ಇದೆ. ₹ 407 ಕೋಟಿ ಮೌಲ್ಯದ ಸ್ಥಿರಾಸ್ತಿ ಇದೆ. ಸಂಬಳ, ಕೃಷಿ ಮತ್ತು ಮನೆ ಆಸ್ತಿಯೇ ತಮ್ಮ ಆದಾಯದ ಮೂಲ ಎಂದು ಹೇಳಿಕೊಂಡಿರುವ ಅವರು, 2018–19ರಲ್ಲಿ ಐಟಿ ರಿಟರ್ನ್ಸ್‌ ಸಲ್ಲಿಸಿದ ವೇಳೆ ₹ 9.11 ಲಕ್ಷ ಆದಾಯ ತೋರಿಸಿದ್ದರು.

ಕಾರುಗಳ ಮೋಹ: ದಂಪತಿಗೆ ಕಾರುಗಳ ಬಗ್ಗೆ ಮೋಹ ಇರುವುದು ಸ್ಪಷ್ಟವಾಗಿದೆ. ಪದ್ಮಾವತಿ ಅವರ ಬಳಿ ಪ್ರೊಡೊ, ಔಡಿ, ಹುಂಡೈ ಐ20, ₹ 91 ಲಕ್ಷದ ಬೆಂಜ್‌, ಒಂದು ಜೆಸಿಬಿ ಇದೆ. ಸುರೇಶ್‌ ಬಳಿ 3 ಇನ್ನೋವಾ ಕಾರುಗಳು, ಮಹೀಂದ್ರಾ ಜೀಪ್‌, ₹ 1 ಕೋಟಿ ಮೌಲ್ಯದ ಬೆಂಜ್‌ ಕಾರು ಇದೆ.

ದಂಪತಿ ಬಳಿ ₹ 1.36 ಕೋಟಿ ಮೌಲ್ಯದ 3.5 ಕೆ.ಜಿ. ಚಿನ್ನ, ₹ 30 ಲಕ್ಷ ಮೌಲ್ಯದ 60 ಕೆ.ಜಿ. ಬೆಳ್ಳಿ ಇದೆ. ಸುರೇಶ್‌ ಅವರಿಗೆ ₹ 24.75 ಕೋಟಿ ಸಾಲ ಇದೆ.

ಶರತ್‌ ಬಚ್ಚೇಗೌಡರ ಆಸ್ತಿ ಮೌಲ್ಯ

ಇದೇ ಕ್ಷೇತ್ರದ ಪಕ್ಷೇತರ ಅಭ್ಯರ್ಥಿ ಶರತ್‌ ಬಚ್ಚೇಗೌಡ ಅವರು ತಮ್ಮ ಮತ್ತು ಪತ್ನಿ ಪ್ರತಿಭಾ ಅವರ ಒಟ್ಟು ಆಸ್ತಿ ಮೌಲ್ಯ ₹ 138 ಕೋಟಿ ಎಂದು ಘೋಷಿಸಿಕೊಂಡಿದ್ದಾರೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT