ಬೆಂಗಳೂರು: ‘ಇಂದು ನಾವು ಮಾಡುವ ದಾನ ಅಥವಾ ನೆರವು ಮುಂದೊಂದು ದಿನ ಆ ವ್ಯಕ್ತಿಗೆ ದಾರಿದೀಪ‍ವಾಗುತ್ತದೆ. ಇದರಿಂದ ಅವರಲ್ಲಿರುವ ಪ್ರತಿಭೆ ಹೊರಬಂದು ದೇಶಕ್ಕೆ ಕೀರ್ತಿ ತರುವ ವ್ಯಕ್ತಿಯಾಗಬಲ್ಲರು’ ಎಂದು ಕೇಂದ್ರ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಚಂದ್ರಶೇಖರ ಕಂಬಾರ ತಿಳಿಸಿದರು.
ಎಂ.ಎ.ಟ್ರಸ್ಟ್ ವತಿಯಿಂದಪದ್ಮನಾಭನಗರದಲ್ಲಿ ಆಯೋಜಿಸಿದ್ದ ಬಡವರಿಗೆ ಸೌಲಭ್ಯ ವಿತರಣೆ ಹಾಗೂ ಸಾಧಕರಿಗೆ ಅಭಿನಂದನಾ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.
‘ನಾವು ಸಂಪಾದಿಸಿದ ಹಣವನ್ನು ಒಂದು ದಿನ ಬಿಟ್ಟು ಹೋಗಲೇಬೇಕು. ದುಡಿದ ಹಣದಲ್ಲಿ ಸ್ವಲ್ಪವಾದರೂನಿರ್ಗತಿಕರಿಗೆ ನೀಡಿದರೆ ಅವರ ಬೆಳವಣಿಗೆಗೆ ಸಹಕಾರಿಯಾಗುತ್ತದೆ’ ಎಂದರು.
ಆನಂದ್ ಗುರೂಜಿ,‘ಸಮಾಜದ ಒಳ್ಳೆಯ ಹಾಗೂ ಕೆಟ್ಟ ಟೀಕೆಗಳಿಗೆಧೃತಿಗೆಡದೆ, ನಿಮ್ಮ ಕೆಲಸದಲ್ಲಿ ಮುಂದುವರಿಯಬೇಕು.ದುಡಿಮೆಯತ್ತ ನಿಮ್ಮ ಚಿತ್ತವಿದ್ದಾಗ ಯಶಸ್ಸು ನಿಮ್ಮದಾಗುತ್ತದೆ’ ಎಂದು ತಿಳಿಸಿದರು.
