ಬೇಟೆಗಾರರು ಸೆರೆಯಾದ ಕ್ಯಾಮೆರಾದಲ್ಲೇ ಚಿರತೆಗಳು ಸೆರೆ

ಇದೇ ಕ್ಯಾಮೆರಾದಲ್ಲಿ 10 ದಿನಗಳ ಹಿಂದೆ ಇಬ್ಬರು ಬೇಟೆಗಾರರು ಕೋವಿಯನ್ನು ಹೆಗಲಿಗೇರಿಸಿಕೊಂಡು ಅಡ್ಡಾಡುತ್ತಿದ್ದ ದೃಶ್ಯ ಸೆರೆಯಾಗಿತ್ತು. ಚಿರತೆಗಳು ಓಡಾಡುತ್ತಿರುವ ದೃಶ್ಯವನ್ನು ಸ್ಥಳೀಯರೊಬ್ಬರು ‘ಪ್ರಜಾವಾಣಿ’ ಜೊತೆ ಹಂಚಿಕೊಂಡಿದ್ದಾರೆ.

‘ತೋಟದ ಅಂಚಿನಲ್ಲಿ ಅಳವಡಿಸಿದ್ದ ಸಿಸಿಟಿವಿ ಕ್ಯಾಮೆರಾದಲ್ಲಿ ದೃಶ್ಯದಲ್ಲಿ ಚಿರತೆಗಳು ಓಡಾಡುತ್ತಿರುವುದು ಸ್ಪಷ್ಟವಾಗಿ ಕಾಣಿಸುತ್ತದೆ. ಒಂದು ಗಂಡು ಚಿರತೆ ಇನ್ನೊಂದು ಹೆಣ್ಣು ಚಿರತೆ ಬೇರೆ ಬೇರೆ ಸಮಯದಲ್ಲಿ ಅಡ್ಡಾಡಿವೆ. ಈ ದೃಶ್ಯ ಈ ಪರಿಸರದಲ್ಲಿ ವನ್ಯಜೀವಿಗಳು ಎಷ್ಟು ಹೇರಳವಾಗಿವೆ ಎಂಬುದನ್ನು ಬಿಂಬಿಸುತ್ತವೆ’ ಎಂದು ಸ್ಥಳೀಯರೊಬ್ಬರು ‘ಪ್ರಜಾವಾಣಿ’ಗೆ ತಿಳಿಸಿದರು.

‘ಇತ್ತೀಚೆಗೆ ಇಲ್ಲಿನ ಕಾಡುಗಳಲ್ಲಿ ಕಳ್ಳಬೇಟೆ ಹೆಚ್ಚುತ್ತಿದೆ. ಇದಕ್ಕೆ ಅರಣ್ಯ ಇಲಾಖೆ ಕಡಿವಾಣ ಹಾಕಬೇಕು.ಆಗಮಾತ್ರ ಇಲ್ಲಿನ ಸಮೃದ್ಧ ವನ್ಯಜೀವಿ ಸಂಪತ್ತನ್ನು ರಕ್ಷಿಸಲು ಸಾಧ್ಯ’ ಎಂದರು.