ಬೆಂಗಳೂರು: ‘ನಮ್ಮ ಮೆಟ್ರೊ’ ವಾಣಿಜ್ಯ ಸಂಚಾರ ಸೇವೆಗೆ ಕೇಂದ್ರದ ‘ಶ್ಲಾಘನೀಯ ಉಪಕ್ರಮ ಪ್ರಶಸ್ತಿ’ (ಕಮೆಂಡಬಲ್ ಇನಿಷಿಯೇಟಿವ್ ಅವಾರ್ಡ್) ದೊರಕಿದೆ.
ಕೇಂದ್ರ ವಸತಿ ಮತ್ತು ನಗರ ವ್ಯವಹಾರಗಳ ಸಚಿವಾಲಯವು ಅತ್ಯುತ್ತಮ ನಗರ ಸಮೂಹ ಸಾರಿಗೆ ಯೋಜನೆ ವಿಭಾಗದಡಿ ನೀಡುವ ಈ ಪ್ರಶಸ್ತಿಗೆ ‘ನಮ್ಮ ಮೆಟ್ರೊ’ ಭಾಜನವಾಗಿದೆ.
ಲಖನೌದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಗುತ್ತಿದ್ದು, ಬೆಂಗಳೂರು ಮೆಟ್ರೊ ರೈಲು ನಿಗಮದ (ಬಿಎಂಆರ್ಸಿಎಲ್)ವ್ಯವಸ್ಥಾಪಕ ನಿರ್ದೇಶಕರು ಹಾಗೂ ಕಾರ್ಯನಿರ್ವಹಣಾ ನಿರ್ದೇಶಕರು (ನಿರ್ವಹಣೆ ಮತ್ತು ಕಾರ್ಯಾಚರಣೆ) ನಿಗಮದ ಪರವಾಗಿ ಈ ಪ್ರಶಸ್ತಿಯನ್ನು ಸ್ವೀಕರಿಸಲಿದ್ದಾರೆ.