ಜಿಲ್ಲಾ, ತಾಲ್ಲೂಕು ಕೋರ್ಟ್‌: ಕೆಲಸದ ಸಮಯ ಪರಿಷ್ಕರಣೆ

ಬೆಳಿಗ್ಗೆ 11ರಿಂದ ಮಧ್ಯಾಹ್ನ 2 ಗಂಟೆಯವರೆಗೆ ಮೊದಲ ಅವಧಿ, 2ರಿಂದ 2.45ರವರೆಗೆ ಭೋಜನ ವಿರಾಮ, 2.45ರಿಂದ ಸಂಜೆ 5.45ರವರೆಗೆ 2ನೇ ಅವಧಿ ಇರುತ್ತದೆ.

ಇದಕ್ಕೆ ತಕ್ಕಂತೆ ನ್ಯಾಯಾಲಯ ಸಿಬ್ಬಂದಿಯ ಕೆಲಸದ ಅವಧಿ ಬೆಳಿಗ್ಗೆ 10ರಿಂದ ಸಂಜೆ 6ರವರೆಗೆ ಇರುತ್ತದೆ.

ತಿಂಗಳ 4ನೇ ಶನಿವಾರ ಅರ್ಧ ದಿನ ಕೆಲಸವಾಗಿದ್ದು, ಕೋರ್ಟ್‌ ಕಲಾಪ ಇರುವುದಿಲ್ಲ. ನ್ಯಾಯಾಂಗ ಅಧಿಕಾರಿಗಳು ಈ ದಿನವನ್ನು ನ್ಯಾಯಾಲಯಗಳು ಮತ್ತು ಜೈಲುಗಳ ಭೇಟಿಗೆ ಬಳಸಿಕೊಳ್ಳಬೇಕು (ಇದುವರೆಗೆ ತಿಂಗಳ ಮೂರನೇ ಶನಿವಾರ ಇಂತಹ ಭೇಟಿ ನೀಡಬೇಕಿತ್ತು). ಸಿಬ್ಬಂದಿಯ ಸಾಂದರ್ಭಿಕ ರಜೆ 15 ಇರುತ್ತದೆ ಎಂದು ಹೈಕೋರ್ಟ್‌ನ ರಿಜಿಸ್ಟ್ರಾರ್‌ ಜನರಲ್‌ ಅವರ ಪ್ರಕಟಣೆ ತಿಳಿಸಿದೆ.