ಸಂಸ್ಥೆಯ ಅಡಿಯಲ್ಲಿವಿಕ್ಟೋರಿಯಾ, ವಾಣಿವಿಲಾಸ, ಮಿಂಟೊ,ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆ (ಪಿಎಂಎಸ್ಎಸ್ವೈ) ಹಾಗೂ ನೆಪ್ರೊ ಯುರಾಲಜಿ ಸಂಸ್ಥೆ ಕಾರ್ಯನಿರ್ವಹಿಸುತ್ತಿವೆ. 10 ದಿನಗಳಿಂದ ಈ ಆಸ್ಪತ್ರೆಗಳಿಗೆ ಬರುವ ರೋಗಿಗಳಿಗೆ ಕೋವಿಡ್ ಪರೀಕ್ಷೆ ಸಮಸ್ಯೆಯಾಗಿದೆ. ಪರೀಕ್ಷೆ ನಡೆಸಲು ಬೇಕಾದ ನಳಿಕೆಗಳನ್ನು (ವೈರಲ್ ಟ್ರಾನ್ಸ್ಫೋರ್ಟ್ ಮೀಡಿಯಾ ಟ್ಯೂಬ್) ಪೂರೈಸುವ ಕಂಪನಿಗೆ ಸಂಸ್ಥೆ ಹಣ ಪಾವತಿಸಿಲ್ಲ. ಇದರಿಂದಾಗಿ ಈ ನಳಿಕೆಗಳು ಅಗತ್ಯ ಪ್ರಮಾಣದಲ್ಲಿ ಪೂರೈಕೆಯಾಗದೆ ಕೊರತೆ ಉಂಟಾಗಿದ್ದು, ಹೊರಗಡೆಯಿಂದ ಪರೀಕ್ಷೆ ಮಾಡಿಸಿಕೊಂಡು ಬರುವಂತೆ ಆಸ್ಪತ್ರೆಗಳು ಸೂಚಿಸುತ್ತಿವೆ.